ഡല്ഹി: 2024 ലെ ലോക്സഭാ തെരഞ്ഞെടുപ്പില് ബെംഗളൂരു സെന്ട്രല് മണ്ഡലത്തിലെ വോട്ടര് പട്ടികയില് നടന്ന ക്രമക്കേടുകളും കൃത്രിമത്വവും അന്വേഷിക്കണമെന്ന് ആവശ്യപ്പെട്ട് ലോക്സഭാ പ്രതിപക്ഷ നേതാവ് രാഹുല് ഗാന്ധി സുപ്രീം കോടതിയെ സമീപിച്ചു.കോണ്ഗ്രസ് നിയമ പ്രതിനിധി അഭിഭാഷകന് രോഹിത് പാണ്ഡെ സമര്പ്പിച്ച പൊതുതാല്പ്പര്യ ഹര്ജിയില്, വിരമിച്ച ജഡ്ജിയുടെ നേതൃത്വത്തിലുള്ള പ്രത്യേക അന്വേഷണ സംഘത്തിന്റെ (എസ്ഐടി) അന്വേഷണത്തിന് ഉത്തരവിടണമെന്നും, ഈ വിഷയം പരിഹരിക്കപ്പെടുന്നതു വരെ വോട്ടര് പട്ടികയില് കൂടുതല് മാറ്റങ്ങള് വരുത്തുന്നതില് നിന്ന് തിരഞ്ഞെടുപ്പ് കമ്മീഷനെ വിലക്കണമെന്നും കോടതിയോട് ആവശ്യപ്പെടുന്നു.
വോട്ടര് പട്ടികയിലെ പൊരുത്തക്കേടുകളെക്കുറിച്ചുള്ള ഗുരുതരമായ ആശങ്കകള് ഹര്ജിയില് ഉയര്ത്തിക്കാട്ടുന്നു, വ്യാജ വോട്ടര്മാരുടെ സാന്നിധ്യവും യോഗ്യരായ വോട്ടര്മാരെ ഒഴിവാക്കലും ആരോപിക്കുന്നു.സ്വതന്ത്രവും നീതിയുക്തവുമായ തിരഞ്ഞെടുപ്പ് നടത്തുന്നതിന് വോട്ടര് പട്ടികയുടെ സമഗ്രത അടിസ്ഥാനപരമാണെന്നും നിലവിലെ ക്രമക്കേടുകള് ഈ തത്വത്തിന് ഭീഷണിയാണെന്നും പാണ്ഡെ വാദിക്കുന്നു.
