2015ല്‍ ടെഡ് ടോകില്‍ ലോകത്ത് ഭീതി പടര്‍ത്താന്‍ പോകുന്ന മഹാമാരിയെക്കുറിച്ച്‌ ശതകോടീശ്വരനും മൈക്രോസോഫ്റ്റ് സ്ഥാപകനുമായ ബില്‍ഗേറ്റ്സ് സംസാരിക്കുന്ന വിഡിയോ കോവിഡ് കാലത്ത് വൈറലായി മാറിയിരുന്നു.
‘ഞങ്ങളുടെ കുട്ടിക്കാലത്ത് ജനങ്ങള്‍ ഭയന്നിരുന്നത് ന്യൂക്ലിയര്‍ യുദ്ധമാണ് എന്നാല്‍ ഇപ്പോള്‍ കാലം മുന്നോട്ട് പോയിരിക്കുന്നു. അടുത്ത പതിറ്റാണ്ടുകളില്‍ എന്തെങ്കിലും ഒരു സംഭവം ഒരു കോടിയിലധികം മനുഷ്യരുടെ ജീവഹാനിക്ക് കാരണമാവുന്നുണ്ടെങ്കില്‍ അത്, യുദ്ധമായിരിക്കില്ല. അപകടകാരിയായ ഒരു വൈറസായിരിക്കും. മിസൈലുകളല്ല… രോഗാണു…’- ബില്‍ഗേറ്റ്സ് അന്ന് പറഞ്ഞു.
കോവിഡ് മഹാമാരിയെക്കുറിച്ച്‌ മുന്നറിയിപ്പ് തന്ന അതേ ബില്‍ ഗേറ്റ്സ് ലോകം ഇനി നേരിടാന്‍ പോകുന്ന രണ്ട് ദുരന്തങ്ങളെ കുറിച്ച്‌ മുന്നറിയിപ്പ് നല്‍കുകയാണ്.
പ്രശസ്ത യൂട്യൂബറായ ഡെറിക് മുള്ളറുമായി സംവദിക്കവേയാണ് ബില്‍ ഗേറ്റ്സിന്‍റെ പ്രതികരണം.
സിൽക്ക് ബോർഡ്‌ ഗതാഗത കുരുക്ക് അഴിക്കാൻ പുതിയ പദ്ധതിയുമായി ബി. എം. ടി. സി
‘ലോകം നേരിടാന്‍ പോകുന്ന ഏറ്റവും വലിയ വെല്ലുവിളി കാലാവസ്ഥ വ്യതിയാനമാണ്. മഹാമാരിക്കാലത്തുള്ള മരണനിരക്കിനേക്കാള്‍ വലുതായിരിക്കും ഒരോ വര്‍ഷവും അത് മൂലമുണ്ടാകാന്‍ പോകുന്നത്’ -അദ്ദേഹം പറഞ്ഞു.
എച്ചും, എട്ടും ഇനി എളുപ്പത്തിൽ കിട്ടില്ല, പുതിയ നീക്കവുമായി കേന്ദ്ര സർക്കാർ
ആളുകള്‍ അധികം ഇതേക്കുറിച്ച്‌ സംസാരിക്കാന്‍ ആഗ്രഹിക്കുന്നില്ലെന്ന് പറഞ്ഞ അദ്ദേഹം ജൈവ ഭീകരവാദത്തെ രണ്ടാമത്തെ ഭീഷണിയായി ചൂണ്ടിക്കാട്ടി. ‘ജൈവ തീവ്രവാദമാണ് രണ്ടാമത്തേത്. നാശം വിതക്കാന്‍ ആഗ്രഹിക്കുന്ന ഒരാള്‍‌ക്ക് ഒരു വൈറസിനെ പടച്ചു വിടാന്‍ സാധിക്കും. കോവിഡ് പോലെ സ്വാഭാവികമായി ഉണ്ടാകുന്ന പകര്‍ച്ചവ്യാധികളേക്കാള്‍ ഭീകരമായിരിക്കും ഇതുണ്ടാക്കുന്ന അപകടം’ -അദ്ദേഹം പറഞ്ഞു.
കോവിഡില്‍ പകച്ചുനില്‍ക്കുന്ന ലോകത്തിന് അടുത്ത ഒരു മഹാമാരിയെ തടുത്ത് നിര്‍ത്താന്‍ സാധിക്കുമോ എന്ന ചോദ്യത്തിന് ഇല്ല എന്നതായിരുന്നു ബില്‍ ഗേറ്റ്സ് നല്‍കിയ ഉത്തരം. ഇനിയും മഹാമാരികള്‍ ഉണ്ടാകുമെന്നും അദ്ദേഹം പറഞ്ഞു. കോവിഡ് വാക്സിന്‍, വ്യാജ വാര്‍ത്തകള്‍, ഓണ്‍ലൈനിലെ തെറ്റായ വിവരങ്ങള്‍ എന്നിവയെ കുറിച്ച്‌ ബില്‍ ഗേറ്റ്സ് സംസാരിക്കുന്ന അഭിമുഖത്തിന്‍റെ പൂര്‍ണ്ണരൂപം താഴെ കാണാം.
