ബെംഗളുരു: ബോളിവുഡ് സൂപ്പര് താരം സഞ്ജയ് ദത്തിന് പരിക്കേറ്റു. കന്നഡ സിനിമാ ചിത്രീകരണത്തിനിടെയാണ് പരിക്കേറ്റത്. കന്നഡ ചിത്രം കെഡിയുടെ ചിത്രീകരണത്തിനിടെയായിരുന്നു ബോളിവുഡ് സൂപ്പര് താരത്തിന് പരിക്കേറ്റത്. ബോംബ് സ്ഫോടനം ചിത്രീകരിക്കുന്നതിനിടെ കൈക്കും മുഖത്തിനും പരിക്കേല്ക്കുകയായിരുന്നു.
തുടര്ന്ന് സിനിമാ ചിത്രീകരണം നിര്ത്തിവച്ചു. ബെംഗളുരു മഗഡി റോഡില് വച്ചാണ് അപകടം ഉണ്ടായത്. ഫൈറ്റ് മാസ്റ്റര് രവി വര്മ്മയാണ് ഫൈറ്റ് കൊറിയോഗ്രഫ് ചെയ്യുന്നത്.
താരത്തിനേറ്റ പരിക്ക് അതീവ ഗുരുതരമല്ലെന്നാണ് റിപ്പോര്ട്ടുകള്. ധ്രുവ സര്ജ നായകനാകുന്ന ചിത്രമാണ് കെഡി ദ ഡെവിള്. ബോളിവുഡ് സൂപ്പര് താരം ശില്പ്പ ഷെട്ടിയും ചിത്രത്തില് പ്രധാന വേഷത്തിലെത്തുന്നുണ്ട്
