ന്യൂയോർക്ക്: ആന്ധ്രാപ്രദേശിൽനിന്നുള്ള ദമ്പതികൾ അമേരിക്കയിൽ ഉണ്ടായ വാഹനാപകടത്തിൽ മരിച്ചു. രണ്ട് കുട്ടികൾക്ക് ഗുരുതരമായി പരുക്കേറ്റു. പശ്ചിമ ഗോദാവരി ജില്ലയിലെ പാലക്കൊല്ലു സ്വദേശികളായ കൊട്ടിക്കലപ്പുടി കൃഷ്ണ കിഷോർ (45), ഭാര്യ ആശ (40) എന്നിവരാണ് വാഷിംഗ്ടണിൽ ഉണ്ടായ അപകടത്തിൽ മരിച്ചത്.അവരുടെ മകളും മകനും ചികിത്സയിലാണ്, ദുരന്തത്തെക്കുറിച്ച് കുടുംബത്തെ അറിയിച്ചിട്ടുണ്ട്.
ഒരു പതിറ്റാണ്ടിലേറെയായി യുഎസിൽ സോഫ്റ്റ്വെയർ എഞ്ചിനീയറായി ജോലി ചെയ്തു വരികയായിരുന്നു കൃഷ്ണ കിഷോർ. ദമ്പതികൾ ഏകദേശം 10 ദിവസം മുമ്പ് പാലക്കൊല്ലു സന്ദർശിച്ചിരുന്നു. ദുബായിൽ പുതുവത്സരാഘോഷങ്ങൾ ആഘോഷിച്ച ശേഷം യുഎസിലേക്ക് മടങ്ങുകയായിരുന്നു.
