ബെംഗളൂരു: ലോക പുകയില വിരുദ്ധ ദിനമായ മേയ് 31ന് മുന്നോടിയായി, നഗരത്തിലെ അനധികൃത പുകയില ഉൽപ്പന്ന വിൽപ്പനക്കെതിരെ ശക്തമായ നടപടിയെടുക്കുമെന്ന് ബെംഗളൂരു സിറ്റി പോലീസ് കമ്മീഷണർ ബി ദയാനന്ദ അറിയിച്ചു. ബ്രുഹത് ബെംഗളൂരു മഹാനഗര പാലിക (BBMP) യിൽ നിന്ന് ആവശ്യമായ ലൈസൻസില്ലാതെ സിഗരറ്റും മറ്റ് പുകയില ഉൽപ്പന്നങ്ങളും വിൽക്കുന്ന കടകളിൽ കർശന പരിശോധനയും നിയമനടപടികളും സ്വീകരിക്കുമെന്ന് അദ്ദേഹം അറിയിച്ചു.
മേയ് 27 മുതൽ ജൂൺ 2 വരെ കർശന പരിശോധന
മേയ് 27 മുതൽ ജൂൺ 2 വരെ നഗരമാകെ COTPA 2003 (Cigarettes and Other Tobacco Products Act) പ്രകാരം കർശനമായ പരിശോധനകളും ബോധവത്കരണ ക്യാമ്പെയ്നുകൾക്കും തുടക്കം കുറിക്കും. പൊതുസ്ഥലങ്ങളിൽ പുകവലി, കുട്ടികൾക്ക് പുകയില ഉൽപ്പന്നങ്ങൾ വിൽക്കൽ, വിദ്യാഭ്യാസ സ്ഥാപനങ്ങൾക്ക് 100 മീറ്ററിനുള്ളിൽ അവയുടെ വിൽപ്പന എന്നിവയും പരിശോധിക്കും.
ഇ-സിഗരറ്റുകൾക്കും ഹൂക്കാ ബാറുകൾക്കും എതിരെ കര്ശന നടപടി
“ലോക പുകയില വിരുദ്ധ ദിനത്തിന്റെ ഭാഗമായുള്ള ബെംഗളൂരു പോലീസ് നടപടികൾ, ഒരു ആരോഗ്യമുള്ള പൊതുസ്ഥല സാഹചര്യമുണ്ടാക്കുന്നതിനും പുകയില നിയന്ത്രണ നിയമങ്ങൾ കർശനമായി പാലിക്കുന്നതിനും വേണ്ടി ആണ്,” എന്ന് കമ്മീഷണർ പറഞ്ഞു.
ഇ-സിഗരറ്റുകളും വെയ്പിംഗ് ഉപകരണങ്ങളും പോലുള്ള വിലക്കിയ ഇലക്ട്രോണിക് നിക്കോട്ടിൻ ഡെലിവറി സിസ്റ്റങ്ങൾ (ENDS) നിരോധനത്തിന്റെ ഭാഗമായും പരിശോധനകൾ ശക്തമാകും. മാളുകൾ, കഫേകൾ, ലോക്കൽ കടകൾ എന്നിവിടങ്ങളിൽ മിന്നൽ പരിശോധനകൾ നടക്കും. നഗരത്തിൽ അനധികൃതമായി പ്രവർത്തിക്കുന്ന ഹൂക്കാ ബാറുകൾക്കെതിരെ നേരത്തെ തുടങ്ങിയ പരിശോധനകളും തുടരും.
കർണാടക സർക്കാർ നേരത്തെ പൊതു സ്ഥലങ്ങളിൽ ഹൂക്കാ സേവനം പൂർണമായും നിരോധിച്ച് ഉത്തരവിറക്കിയിരുന്നു. അതിനുശേഷവും ചില കഫേകൾ രഹസ്യമായി ഹൂക്കാ വിൽക്കുന്നതായി കണ്ടെത്തിയിട്ടുണ്ട്.
ബോധവത്കരണം വ്യാപാര മേഖലകളിലേക്കും
BBMP യുമായി ചേർന്ന് വ്യത്യസ്ത വ്യാപാര കേന്ദ്രങ്ങളിൽ ബോധവത്കരണ ക്യാമ്പുകളും പോലീസ് നടത്തും . തുബാകോ ഉൽപ്പന്നങ്ങൾ നിയമപരമായി വിൽക്കുന്നതിനുള്ള നിബന്ധനകളും ലൈസൻസ് എടുക്കുന്നതിനുള്ള വഴികളും വ്യാപാരികളെ അറിയിക്കും.
നടപടികൾ കർശനമാകുമെന്നും, നിയമം ലംഘിക്കുന്നവർക്ക് എതിരെ ശക്തമായ നടപടി ആയിരിക്കുമെന്നും ബെംഗളൂരു സിറ്റി പൊലീസിന്റെ കർശന മുന്നറിയിപ്പ്.
