ബെംഗളൂരു: കോവിഡ് പ്രതിരോധ കുത്തിവെപ്പ് എടുക്കാനായി വാക്സിനേഷൻ കേന്ദ്രങ്ങളിലേക്ക് പോകുന്നതിനും തിരിച്ചു വരുന്നതിനും സൗജന്യ യാത്ര ഒരുക്കി ഊബർ വെബ് ടാക്സി, ബെംഗളൂരു, മംഗളൂരു ഉൾപ്പെടെ രാജ്യത്തെ 19 നഗരങ്ങളിലായി അടുത്ത കുറച്ചു മാസങ്ങളിലായി 25000 സൗജന്യ യാത്രകളാണ് ഊബർ നൽകുക.
പ്രായമായവർക്കും അംഗ പരിമിതർക്കും മറ്റ് അസുഖങ്ങൾ ഉള്ളവർക്കുമാണ് സൗജന്യ യാത്ര ഒരുക്കുന്നത്. സന്നദ്ധ സംഘടനയായ ഏഷ്യൻ ഏജ് ഇന്ത്യയുമായി സഹകരിച്ചാണ് ഊബർ സൗജന്യ യാത്രാ പദ്ധതി നടപ്പിലാക്കുന്നത്. ഡൽഹിയിലും മറ്റു നഗരങ്ങളിലുമായി വാക്സിനേഷൻ കേന്ദ്രങ്ങളിലേക്ക് ഇതിനകം 60000 ത്തോളം സൗജന്യ യാത്രകൾ സംഘടിപ്പിച്ചിട്ടുണ്ടെന്ന് ഊബർ അധികൃതർ പറഞ്ഞു