ബംഗളൂരു: ഹലസുരു ഗേറ്റ് ട്രാഫിക് പൊലീസ് സ്റ്റേഷൻ പരിധിയിലെ ജെ.സി റോഡില്‍ വൈറ്റ് ടോപ്പിങ് ജോലികള്‍ നടത്താൻ ബി.ബി.എം.പി തീരുമാനിച്ചു.നാല് റോഡ് ജങ്ഷൻ മുതല്‍ പുരഭവൻ ജങ്ഷൻ വരെ ജോലികള്‍ നടത്തും. ഇനി മുതല്‍ പണി പൂർത്തിയാകുന്നതുവരെ ഇതുവഴിയുള്ള ഗതാഗതം മന്ദഗതിയിലാകും. പൊതുജനങ്ങള്‍ സഹകരിക്കണമെന്നും, ബദല്‍ റൂട്ട് ഉപയോഗിക്കണമെന്നും ട്രാഫിക് പൊലീസും ബി.ബി.എം.പി കമീഷണർ തുഷാർ ഗിരിനാഥും അഭ്യർഥിച്ചു.
ഹൊസൂർ റോഡില്‍ നിന്ന് ജെ.സി റോഡ് വഴി മജസ്റ്റിക്, ബംഗളൂരു നോർത്ത് ഭാഗത്തേക്കുള്ള വാഹനങ്ങള്‍ ലാല്‍ബാഗ് മെയിൻ ഗേറ്റിന് സമീപം വലത്തോട്ട് തിരിഞ്ഞ് കെ.എച്ച്‌. റോഡ്, ശാന്തിനഗർ, റിച്ച്‌മണ്ട് ആർ.ആർ. ഹഡ്‌സണ്‍ സർക്കിളിലേക്ക് റോഡ് മാർഗം എത്തിച്ചേരാം. സൗത്ത് എൻഡ് സർക്കിള്‍ മുതല്‍ ജെ.സി റോഡില്‍ മജസ്റ്റിക്, ബംഗളൂരു വടക്കോട്ട് പോകുന്ന വാഹനങ്ങള്‍ മിനർവ സർക്കിളിനു സമീപം ഇടത്തോട്ട് തിരിഞ്ഞ് ലാല്‍ബാഗ് പോർട്ട് റോഡിലേക്കും കെ.ആർ റോഡ് വഴി കെ.ആർ അങ്ങാടിയിലെത്തി എസ്.ജെ.പി. റോഡ്, മുനിസിപ്പല്‍ ഹാള്‍ എന്നിവയുമായി ബന്ധപ്പെടാമെന്ന് ട്രാഫിക് പൊലീസ് അറിയിച്ചു.
ഞാൻ നിങ്ങള്‍ ഉദ്ദേശിക്കുന്ന ആളല്ല; കല്ലെറിയും മുമ്ബ് ഓര്‍ക്കുക, കാക്കകള്‍ 17 വര്‍ഷം വരെ എല്ലാം ഓര്‍ത്തുവെക്കും
കാക്കയെ കാണുമ്ബോള്‍ കല്ലെടുത്ത് എറിയുന്നവരാണ് നാം. ചിലർ ഒരു പടികൂടി കടന്ന് കവണ വെച്ച്‌ എയ്യും. എന്നാല്‍, കാക്കകള്‍ ഒന്നും മറക്കില്ലെന്ന് പഠനം.17 വര്‍ഷം വരെ അവ ഓർമകള്‍ സൂക്ഷിക്കും.കാക്കകള്‍ നമ്മള്‍ വിചാരിക്കുന്നതിലും വളരെ ബുദ്ധിശാലികളാണ്. പ്രത്യേകിച്ചും ഓര്‍മയുടെ കാര്യത്തില്‍. അതിലും കൗതുകകരമായ വസ്തുത, കാക്കകള്‍ ഈ അറിവ് തങ്ങളുടെ കൂട്ടത്തിലുള്ള മറ്റുള്ളവരുമായി ആശയവിനിമയം നടത്തുന്നു എന്നതാണ്. അപകടസാധ്യതകളെക്കുറിച്ച്‌ പരസ്പരം മുന്നറിയിപ്പ് നല്‍കുന്നു. അവയുടെ സങ്കീര്‍ണമായ സാമൂഹിക സ്വഭാവത്തിലേക്കും ശ്രദ്ധേയമായ ഓര്‍മയിലേക്കും വെളിച്ചം വീശുന്ന ഗവേഷണം പുറത്തുവന്നതോടെയാണ് ഇക്കാര്യം വ്യക്തമായത്.
2006-ല്‍, വാഷിങ്ടണ്‍ സര്‍വകലാശാലയിലെ പ്രൊഫ.ജോണ്‍ മാര്‍സ്ലഫ് ഭയപ്പെടുത്തുന്ന മുഖംമൂടി ധരിച്ച്‌ ഏഴ് കാക്കകളെ പിടികൂടുകയും ഹ്രസ്വ കാലത്തേക്ക് പിടിച്ചുവച്ച്‌ കാക്കയുടെ ഓര്‍മയെക്കുറിച്ച്‌ പഠനം ആരംഭിക്കുകയും ചെയ്തു. വിട്ടയച്ചപ്പോള്‍ പ്രത്യേകം അടയാളങ്ങള്‍ ഇട്ടിരുന്നു. വര്‍ഷങ്ങളായി അദ്ദേഹവും സംഘവും ക്യാമ്ബസിനു ചുറ്റും ഒരേ മുഖംമൂടി ധരിക്കും, ചിലപ്പോള്‍ കാക്കകള്‍ക്ക് ഭക്ഷണം കൊടുക്കും. കാലക്രമേണ, പ്രതികരണം വര്‍ധിച്ചു. ഒരു ദിവസം, അവര്‍ കടന്നുപോയ 53 കാക്കകളില്‍ 47 എണ്ണവും മുഖംമൂടി ധരിച്ച്‌ മാര്‍സ്ലഫിന് നേരെ കരഞ്ഞ് ബഹളമുണ്ടാക്കി.
കാക്കകള്‍ മുഖങ്ങള്‍ ഓര്‍ക്കുക മാത്രമല്ല, പരസ്പരം ഭീഷണിപ്പെടുത്തുന്നതിനെക്കുറിച്ചുള്ള വിവരങ്ങള്‍ കൈമാറുകയും ചെയ്യുന്നുവെന്ന് ഇത് തെളിയിച്ചു. 2013 ആയപ്പോഴേക്കും ഈ കാക്കകളുടെ പ്രതികരണം പാരമ്യത്തിലായിരുന്നു. എന്നാല്‍, പരീക്ഷണം തുടങ്ങി 17 വര്‍ഷങ്ങള്‍ക്ക് ശേഷം 2023 ആയപ്പോഴേക്കും കാക്കകളൊന്നും മുഖംമൂടിയോട് പ്രതികരിക്കാതെയായി.
