പുൽപള്ളി • കർണാടക, തമിഴ്നാട് സംസ്ഥാനങ്ങളിലേക്കുള്ള പ്രവേശനത്തിന് കോവിഡ് നെഗറ്റീവ് സർട്ടിഫിക്കറ്റ് വേണമെന്ന നിബന്ധനയും അതിർത്തികളിലെ വഴിയടയ്ക്കലും മലയാളി കർഷകരെ പ്രതിസന്ധിയിലാക്കി.ഇഞ്ചി, വാഴ, പച്ചക്കറി കൃഷി നടത്തുന്ന ആയിരക്കണക്കിനാളുകളുടെ പോക്കുവരവ് മുടങ്ങിയതോടെ കൃഷിമേഖലയിലെ പ്രതിസന്ധി ഇരട്ടിച്ചു. ഉൽപന്നങ്ങൾക്ക് വിലയില്ലാതെ കർഷകർ വലയുന്നതിനിടെ അടുത്ത കൃഷി നടത്താനാവാത്ത പ്രയാസവും കർഷകരെ അലട്ടുന്നു.
ഇഞ്ചി വിത്ത് പറിക്കലും പുതിയ കൃഷിയും ഊർജിതമായി നടക്കുന്നതിനിടെയാണ് അയൽ സംസ്ഥാനങ്ങൾ നിബന്ധന കർശനമാക്കിയത്. കൃഷിക്കാർക്കും ജോലിക്കാർക്കും കൃഷി സ്ഥലത്തേക്കു പോകാനാവുന്നില്ല. കേരളത്തിൽ കോവിഡ് വ്യാപകമാകുന്നുവെന്ന പ്രചാരണം നടത്തി കർഷകരെ ചൂഷണം നടത്തുന്നുമുണ്ട്. പാതയോരത്തെല്ലാം പൊലീസും വനപാലകരും വാഹനങ്ങൾ തടഞ്ഞു പണപിരിവ് നടത്തുന്നുവെന്ന പരാതിയുമുണ്ട്.
തിരഞ്ഞെടുപ്പ്; മുത്തങ്ങ ,ബാവലി ഉൾപ്പെടെ പത്തു അതിര്ത്തികളില് സ്റ്റാറ്റിക് സര്വൈലന്സ് സംഘം
ബാവലി പാലത്തിനപ്പുറം ചെക്ക് പോസ്റ്റ് പൂട്ടി ഉദ്യോഗസ്ഥർ കാവൽ നിൽക്കുന്നു. മണിക്കൂറുകളുടെ കാത്തിരിപ്പാണിവിടെ. കൃഷിക്കാർക്ക് ഇളവ് വേണമെന്ന ആവശ്യം ഉദ്യോഗസ്ഥർ പരിഗണിക്കുന്നില്ല. മലയാളികളുടെ കൃഷി സ്ഥലത്ത് തദ്ദേശീയ ജോലിക്കാർ പോകരുതെന്നും
യന്ത്രങ്ങളുൾപ്പെടെയുള്ളവ നൽകരുതെന്നും ഗ്രാമങ്ങളിൽ പ്രചാരണമുണ്ട്. നാട്ടിൽ നിന്നു തൊഴിലാളികളെ എത്തിക്കാനും കഴിയാത്ത അവസ്ഥ.മൈസൂരു ജില്ലയുടെ വിവിധ ഭാഗങ്ങളിൽ നന്നായി മഴ ലഭിച്ചതിനാൽ പലരും ഇഞ്ചി നടീൽ തുടങ്ങി.
പാട്ടത്തിനെടുത്ത സ്ഥലങ്ങൾ കൃഷിക്ക് ഒരുക്കുന്ന ജോലികളും സജീവമാണ്. വിലയിടിവിൽ കൃഷിക്കാർ തകർന്നടിയുന്നു. നഷ്ടമാണെങ്കിലും കൃഷി പാടെ നിർത്താനാവില്ല. ചെറുകിട കർഷകരിൽ പലരും കൃഷി തുടരാനാവാതെ നാടുവിടുന്ന അവസ്ഥ. ഇതിനു പുറമേ ഇപ്പോഴുണ്ടായ തടസ്സങ്ങളും കൃഷിമേഖലയെ കരിനിഴലിലാഴ്ത്തുന്നു.
- ജോലി വാഗ്ദാനം ചെയ്ത് കര്ണാടക മന്ത്രി യുവതിയെ പീഡിപ്പിച്ചു; വീഡിയോ പുറത്ത്
- കോവിന്- കോവിഡ്-19 വാക്സിനേഷന് രജിസ്റ്റര് ചെയ്യുന്നത് എങ്ങനെ?
- നിയസഭാ തിരഞ്ഞെടുപ്പിന്റെ പശ്ചാത്തലത്തില് എസ്.എസ്.എല്.സി, പ്ലസ്ടു വാര്ഷിക പരീക്ഷകള് മാറ്റിവച്ചേക്കും.
- രാജ്യത്തെ സ്വകാര്യ ആശുപത്രികള് കൊവിഡ് വാക്സിന് ഡോസിന് 250 രൂപ ഈടാക്കും.
- ഇന്ത്യയില് കോവിഡ് വകഭേദമില്ല; സംഭവിക്കുന്നത് ‘സൂപ്പര് സ്പ്രെഡിംഗ്’.
- ഓസ്കാര് പുരസ്കാരത്തിന് യോഗ്യത നേടി സൂരറൈ പോട്ര്.
- ആർ ടി പി സി ആർ കോവിഡ് റെസ്റ്റുകൾക്ക് മൊബൈൽ ലാബുകൾ :ഫീസ് 448 രൂപ ,കൂടുതൽ പേരെ പരിശോധനയ്ക്കെത്തിക്കാൻ നീക്കം.
- കര്ണാടക വാക്ക് പാലിച്ചില്ല; അതിര്ത്തിയിലെ നിയന്ത്രണത്തിന് അയവില്ല.
