മുണ്ടക്കൈ -ചൂരല്മല ഉരുള് പൊട്ടല് അതി തീവ്രദുരന്തമെന്ന് കേന്ദ്രം.ഒടുവില് കേരളത്തിന്റെ ആവശ്യം അംഗീകരിച്ചിരിക്കുകയാണ് കേന്ദ്രം.അതിതീവ്ര ദുരന്തമായിപ്രഖ്യാപിച്ച കേന്ദ്ര സര്ക്കാറിന്റെ അറിയിപ്പ് കേരളത്തിന് ലഭിച്ചു. അതിതീവ്ര ദുരന്തമാണെന്ന് പാര്ലമെന്റില് കേന്ദ്രം അറിയിച്ചിരുന്നുങ്കിലും രേഖാമൂലം അറിയിപ്പ് നല്കാന് തയ്യാറായിരുന്നില്ല.
അതിതീവ്ര ദുരന്തമായി പരിഗണിക്കണമെന്ന് കേരളം നിരന്തരം ആവശ്യപ്പെട്ടിരുന്നു. കേന്ദ്ര സംഘം നല്കിയ റിപ്പോര്ട്ട് പരിശോധിച്ച മന്ത്രിതല സമിതി തീവ്ര ദുരന്തമാണെന്ന് കണ്ടെത്തി. എന്നാല് കൂടുതല് സാമ്ബത്തിക സഹായം നല്കില്ലെന്നും ദേശീയ ദുരന്ത നിവാരണ ഫണ്ടില് നിന്ന് സഹായം നല്കുന്നത് നടപടി ക്രമങ്ങള് അനുസരിച്ചായിരിക്കുമെന്നും കേന്ദ്രം വ്യക്തമാക്കി.
അണ്ണനാണ്, എന്നും എപ്പോഴും കൂടെയുണ്ടാകും’; പെണ്കുട്ടികള്ക്ക് കത്തുമായി വിജയ്, ‘പഠനത്തില് മാത്രം ശ്രദ്ധ വേണം’
അണ്ണാ യൂണിവേഴ്സിറ്റി കാമ്ബസില് വിദ്യാർത്ഥിനിക്ക് നേരെയുണ്ടായ ലൈംഗികാതിക്രമത്തിൻ്റെ പശ്ചാത്തലത്തില് സ്വന്തം കൈപ്പട കൊണ്ട് കത്തെഴുതി തമിഴക വെട്രി കഴകം പാർട്ടി അധ്യക്ഷൻ കൂടിയായ തമിഴ് നടൻ വിജയ്.തമിഴ്നാടിൻ്റെ സഹോദരിമാർക്ക്’ എന്നെഴുതി ആരംഭിച്ച കത്തില് സംസ്ഥാനത്തെ സ്ത്രീകള്ക്കൊപ്പം അവരുടെ “സഹോദരനെ” പോലെ കൂടെയുണ്ടാകുമെന്നും “സുരക്ഷിത തമിഴ്നാട് സൃഷ്ടിക്കാൻ” ഒപ്പമുണ്ടാകുമെന്നും വിജയ് എഴുതി. ദയവുചെയ്ത് ഒന്നിനെയും കുറിച്ച് വിഷമിക്കാതെ പഠനത്തില് ശ്രദ്ധ കേന്ദ്രീകരിക്കണമെന്നും അദ്ദേഹം തന്റെ കത്തിലൂടെ വിദ്യാർത്ഥിനിയോട് പറഞ്ഞു.
കത്തില് തമിഴ്നാട്ടില് സ്ത്രീകള്ക്കെതിരായ കുറ്റകൃത്യങ്ങള് വർധിച്ചു വരുന്നതു സംബന്ധിച്ചും, ഭരണകക്ഷിയായ ഡിഎംകെ സർക്കാരിനെ വിമർശിച്ചും പ്രസ്താവനകളുണ്ട്. “നിങ്ങളുടെ സഹോദരൻ എന്ന നിലയില്, ഈ സംസ്ഥാനത്തെ സ്ത്രീകള്ക്കും പെണ്കുട്ടികള്ക്കും എതിരെ അനുദിനം നടക്കുന്ന കുറ്റകൃത്യങ്ങളില് (വിദ്യാഭ്യാസ സ്ഥാപനങ്ങളില് ഉള്പ്പെടെ) ഞാൻ അതീവ ദുഃഖിതനാണ്. നിങ്ങളുടെ സുരക്ഷ ആരില് നിന്നാണ് ഞങ്ങള് ആവശ്യപ്പെടേണ്ടത്? നമ്മളെ ഭരിക്കുന്നവരോട് ഇത് ചോദിക്കുന്നത് കൊണ്ട് പ്രയോജനമില്ല,” എന്നും വിജയ് കത്തില് പറയുന്നുണ്ട്.
ക്രിസ്മസ് തലേന്ന് അണ്ണാ യൂണിവേഴ്സിറ്റിയിലെ വിദ്യാർത്ഥിനിയായ 19കാരിക്ക് നേരെയുണ്ടായ ലൈംഗികാതിക്രമം സംസ്ഥാന രാഷ്ട്രീയത്തില് കോളിളക്കം സൃഷ്ടിച്ചിരുന്നു. ഇതുമായി ബന്ധപ്പെട്ട് പ്രതിയെ അറസ്റ്റ് ചെയ്തപ്പോഴും ഡിഎംകെ സർക്കാരിന് കീഴില് സംസ്ഥാനത്തെ ക്രമസമാധാന നില വഷളായതായി എഐഎഡിഎംകെ ഉള്പ്പെടെയുള്ള പ്രതിപക്ഷ പാർട്ടികള് ആരോപിച്ചു.ഇന്നലെ അണ്ണാ സർവകലാശാല ബലാത്സംഗ കേസില് പ്രത്യേക സംഘം അന്വേഷിക്കണമെന്ന് മദ്രാസ് ഹൈക്കോടതി നിർദേശിച്ചിരുന്നു. 3 മുതിർന്ന വനിത ഐപിഎസ് ഉദ്യോഗസ്ഥർ സംഘത്തിലുണ്ട്. കേസിലെ എഫ്ഐആർ ചോർന്നത് പ്രത്യേകം അന്വേഷിക്കണമെന്നും മദ്രാസ് ഹൈക്കോടതി നിർദേശിച്ചു.
