ബെംഗളൂരു: നമ്മ മെട്രോയുടെ ബ്ലൂ ലൈന് പൂര്ണമായും സൗരോര്ജത്തില് പ്രവര്ത്തിപ്പിക്കാന് കഴിയുമെന്ന് കണ്ടെത്തല്.55 കിലോമീറ്റര് നീളമുള്ള ഈ ഇടനാഴി സെന്ട്രല് സില്ക്ക് ബോര്ഡ് മുതല് വടക്കന് ബെംഗളൂരുവിലെ കെംപഗൗഡ അന്താരാഷ്ട്ര വിമാനത്താവളം വരെ നീളുന്നതാണ്. ഇന്ത്യന് ഇന്സ്റ്റിറ്റ്യൂട്ട് ഓഫ് സയന്സിന്റെ സസ്റ്റൈനബിള് ട്രാന്സ്പോര്ട്ടേഷന് ലാബ് നടത്തിയ സാങ്കേതിക, വാണിജ്യ സാധ്യതാ പഠനത്തിലാണ് നിര്ണായക കണ്ടെത്തല് (BMRCL Updates).’നമ്മ മെട്രോയുടെ ബ്ലൂ ലൈന് പ്രവര്ത്തിപ്പിക്കുന്നതിനായി നേരിട്ട് സൗരോര്ജം ഉപയോഗിക്കുന്നതിന്റെ സാധ്യതകള് വിലയിരുത്തല്’ എന്ന തലക്കെട്ടിലുള്ള റിപ്പോര്ട്ടാണ് ഈ ആശയം മുന്നോട്ടുവയ്ക്കുന്നത്. ബെംഗളൂരു മെട്രോ റെയില് കോര്പറേഷന് ലിമിറ്റഡിന്റെ (BMRCL) കൈവശം ഇതിനകമുള്ള ഭൂമിയും കെട്ടിടങ്ങളും ഈ നിര്ണായക ചുവടുവയ്പ്പിന് പര്യാപ്തമാണെന്ന് ഈ റിപ്പോര്ട്ട് വ്യക്തമാക്കുന്നു.
‘നമ്മ മെട്രോയുടെ ബ്ലൂ ലൈന് പ്രവര്ത്തിപ്പിക്കുന്നതിനായി നേരിട്ട് സൗരോര്ജം ഉപയോഗിക്കുന്നതിന്റെ സാധ്യതകള് വിലയിരുത്തല്’ എന്ന തലക്കെട്ടിലുള്ള റിപ്പോര്ട്ടാണ് ഈ ആശയം മുന്നോട്ടുവയ്ക്കുന്നത്. ബെംഗളൂരു മെട്രോ റെയില് കോര്പറേഷന് ലിമിറ്റഡിന്റെ (BMRCL) കൈവശം ഇതിനകമുള്ള ഭൂമിയും കെട്ടിടങ്ങളും ഈ നിര്ണായക ചുവടുവയ്പ്പിന് പര്യാപ്തമാണെന്ന് ഈ റിപ്പോര്ട്ട് വ്യക്തമാക്കുന്നു (Bengaluru Namma Metro).2025 ഓഗസ്റ്റ് മുതല് 2026 മാര്ച്ച് വരെ നീണ്ടുനിന്ന പഠനം BMRCL-മായി സഹകരിച്ചാണ് ഇന്ത്യന് ഇന്സ്റ്റിറ്റ്യൂട്ട് ഓഫ് സയന്സിന്റെ സസ്റ്റൈനബിള് ട്രാന്സ്പോര്ട്ടേഷന് ലാബ് സാധ്യമാക്കിയത്. എച്ച്എസ്ബിസി ലിമിറ്റഡിന്റെ കോര്പറേറ്റ് സോഷ്യല് റെസ്പോണ്സിബിലിറ്റി (സിഎസ്ആര്) പ്രോഗ്രാമിന്റെ ഭാഗമായുള്ള ധനസഹായത്തോടെയായിരുന്നു പഠനം.ഇന്റര്ഫേസ് ഡിസൈന്, സബ്സ്റ്റേഷന് ഓഡിറ്റ്, ട്രാക്ഷന് പവര് സിസ്റ്റം മോഡലിങ്, സോളാര് റിസോഴ്സ് മാപ്പിങ്, ട്രെയിന് ട്രാക്ഷന് പ്രകടനം എന്നിവ ഉള്പ്പെടുന്ന നാല് നിര്മ്മാണ പാക്കേജുകളിലായാണ് ഇത് നടത്തിയത്. BMRCLന്റെ അംഗീകൃത സിമുലേഷന് റിപ്പോര്ട്ടുകളെ അധികരിച്ച്, രണ്ട് മിനിട്ട് വേഗതയില് ഓടുന്ന 21 ട്രെയിനുകളെ പഠനത്തിന്റെ ഭാഗമാക്കിയിരുന്നു.പൂര്ത്തിയാക്കുന്ന 30 സ്റ്റേഷനുകളിലും, എലിവേറ്റഡ് വയഡക്റ്റുകളിലും, ഡിപ്പോ മേല്ക്കൂരകളിലുമായി ഭൗതിക സൗരോര്ജ സംവിധാനങ്ങള് സ്ഥാപിച്ചാല് കിട്ടുന്ന ഫലം മുന്നിര്ത്തിയായിരുന്നു പഠനം.
സ്റ്റേഷന് മേല്ക്കൂരകളിലും, ഉയര്ന്ന വയഡക്റ്റ് പാരപ്പെറ്റുകളിലും, ഡിപ്പോ മേല്ക്കൂരകളിലും സോളാര് പാനലുകള് സ്ഥാപിക്കുന്നതിലൂടെ, ഇടനാഴിയുടെ മുഴുവന് വാര്ഷിക ആവശ്യകതയും നിറവേറ്റാന് ആവശ്യമായ ഊര്ജം BMRCLന് ഉത്പാദിപ്പിക്കാന് കഴിയുമെന്ന് അത്തരത്തിലാണ് കണ്ടെത്തിയത്.പകല് സമയത്തെ ആഗിരണത്തിലൂടെ വൈദ്യുത സംഭരണം സാധ്യമാകും. ഇത് ഗ്രിഡിലേക്ക് വൈദ്യുതി തിരികെ അയയ്ക്കുന്നതിലുള്ള അപകടസാധ്യത ഇല്ലാതാക്കുകയും ഇടനാഴിയുടെ വാര്ഷിക ഊര്ജ ബില്ലുകളുടെ മൂന്നിലൊന്ന് കുറവ് വരുത്തുകയും ചെയ്യും. ’30 സ്റ്റേഷനുകളും ഉയരത്തിലാണ്. മൊത്തം 29.7MWp ശേഷിയില് 50,000 സോളാര് പാനലുകള് വരെ ഇവയ്ക്ക് ഉള്ക്കൊള്ളാന് കഴിയും.48 കോടി മുതല് 63 കോടി രൂപ വരെയായിരിക്കും ഒന്നാം ഘട്ട നിക്ഷേപം. എന്നാല് ഒന്നാം വര്ഷം മുതല് വാര്ഷിക വൈദ്യുതി ചെലവില് ഇത് 36.4 കോടി രൂപ ലാഭം നേടിക്കൊടുക്കും. ഇടനാഴിയില് പൂര്ണമായി വിന്യസിച്ചാല് വര്ഷത്തില് 61 കോടി രൂപയുടെ ലാഭമുണ്ടാകും.
‘ബ്ലൂ ലൈനിന് അസാധാരണമായ സൗരോര്ജ ശേഷിയുണ്ട്, അത് ഉള്ക്കൊള്ളാന് പാകത്തിലുള്ള ട്രാക്ഷന് സിസ്റ്റം, വിന്യാസത്തെ പിന്തുണയ്ക്കുന്ന നിയന്ത്രണ ചട്ടക്കൂട് എന്നിവ അതിന് സ്വാഭാവികമായി തന്നെയുണ്ട്.പതിറ്റാണ്ടുകള് വരുമാനം നല്കുന്ന റെഡി-ടു-ടെന്ഡര് അടിസ്ഥാന സൗകര്യ നിക്ഷേപമാണിത്’ – സസ്റ്റൈനബിള് ട്രാന്സ്പോര്ട്ടേഷന് ലാബിന്റെ കണ്വീനര് ആശിഷ് വര്മ്മ പറയുന്നു.ബെംഗളൂരു നമ്മ മെട്രോ (BMRCL)83 സ്റ്റേഷനുകളുള്ള ബെംഗളൂരു നമ്മ മെട്രോയുടെ ഗ്രീന്, പര്പ്പിള്, യെല്ലോ ലൈനുകളിലായി 62 ട്രെയിനുകളാണ് ഓടുന്നത്. പ്രതിദിനം ശരാശരി 10 ലക്ഷം യാത്രക്കാര് നമ്മ മെട്രോയില് സഞ്ചരിക്കുന്നുമുണ്ട്. വിവിധ ലൈനുകളുടെ വികസന പ്രവര്ത്തനങ്ങളും പുതിയ പാതകള്ക്കായുള്ള പ്രവൃത്തികളും ഊര്ജിതമായി നഗരത്തിന്റെ വിവിധയിടങ്ങളില് പുരോഗമിക്കുന്നു.2011 ലാണ് നമ്മ മെട്രോ പ്രയാണമാരംഭിച്ചത്. ബയപ്പനഹള്ളി, എംജി റോഡ് റെയില്വേ സ്റ്റേഷനുകള്ക്കിടയിലെ 7 കിലോമീറ്റര് പാതയുമായായിരുന്നു തുടക്കം. തുടര്ന്ന് 15 വര്ഷത്തിനിടെ 89 കിലോമീറ്ററായി വര്ദ്ധിപ്പിച്ച് നിലവിലെ 96 കിലോ മീറ്ററില് എത്തുകയും ചെയ്തു.
