മംഗളുറു:കര്‍ണാടക മുഖ്യമന്ത്രിയായ ശേഷം ആദ്യമായി ബസവരാജ് ബൊമ്മൈ മംഗളൂറിലെത്തി. ബജ്പെ അദാനി രാജ്യാന്തര വിമാനത്താവളത്തില്‍ ജില്ലാ ഭരണകൂടം അദ്ദേഹത്തെ സ്വീകരിച്ചു. കോവിഡ് സ്ഥിഗതികള്‍ വിലയിരുത്തുന്നതിന് ബന്ധപ്പെട്ടവരുമായും മുഖ്യമന്ത്രി കൂടിക്കാഴ്ച നടത്തി.
ഗവ. ജില്ല വെന്റ്ലോക് ആശുപത്രിയില്‍ പുതിയ ഐ സി യു ഉദ്ഘാടനം മുഖ്യമന്ത്രി നിര്‍വഹിച്ചു. എസ് ഡി ആര്‍ എഫില്‍ നിന്നുള്ള 124.50 ലക്ഷം രൂപ വിനിയോഗിച്ചാണ് 32 കിടക്ക സൗകര്യമുള്ള ഐ സി യൂനിറ്റ് സ്ഥാപിച്ചത്. സ്മാര്‍ട് സിറ്റി പദ്ധതിയില്‍ സ്ഥാപിച്ച 35 കിടക്ക ഐ സി യു നിലവിലുണ്ട്.
ഡോ. ബി ആര്‍.അംബേദ്കര്‍ ഭവന്‍ ഉദ്ഘാടനം നിര്‍വഹിച്ച മുഖ്യമന്ത്രി അംബേദ്കര്‍ പ്രതിമയില്‍ പൂമാല ചാര്‍ത്തി.
