ബെംഗളുരു : രണ്ടാം ഭാര്യയ്ക്കൊപ്പം അനധികൃതമായി ബെംഗളൂരുവില് താമസമാക്കിയ ബംഗ്ലാദേശ് പൗരനെ പോലീസ് അറസ്റ്റ് ചെയ്തു.റഹ്മാൻ ഷെയ്ഖ് (38). റഹ്മാൻ ഷെയ്ഖ് ആണ് പിടിയിലായത് . കഴിഞ്ഞ എട്ട് വർഷമായി ബംഗളൂരുവിലെ ചന്നസാന്ദ്രയില് താമസിക്കുന്നുണ്ടെന്നും മാലിന്യം വേർതിരിക്കുന്ന യൂണിറ്റില് ജോലി ചെയ്യുകയാണെന്നും റഹ്മാൻ ഷെയ്ഖ് പറഞ്ഞു.പശ്ചിമ ബംഗാളില് ജനിച്ചെന്ന വ്യാജ ജനന സർട്ടിഫിക്കറ്റ് സ്വന്തമാക്കിയിരുന്നു റഹ്മാൻ ഷെയ്ഖ് . മാത്രമല്ല റഹ്മാൻ ഷെയ്ഖിന്റെ കൈവശം വ്യാജ ആധാർ കാർഡും വോട്ടർ ഐഡി കാർഡും ഡ്രൈവിംഗ് ലൈസൻസും ഉണ്ടായിരുന്നതായി പോലീസ് പറഞ്ഞു.
തന്റെ ഭർത്താവിനെ കാണാനില്ലെന്ന് പറഞ്ഞ് റഹ്മാൻ ഷെയ്ഖിന്റെ ഭാര്യയാണ് ബംഗ്ലാദേശ് പോലീസില് പരാതി നല്കിയത് .റഹ്മാൻ ഷെയ്ഖ് മെഡിക്കല് വിസയില് ഇന്ത്യയിലേക്ക് പോയെന്നും തിരിച്ചെത്തിയില്ലെന്നും അവർ പോലീസിനോട് പറഞ്ഞു. തുടർന്ന് ബംഗ്ലാദേശ് പോലീസ് ഇന്ത്യൻ പോലീസിനെ വിവരമറിയിച്ചു.ബാംഗ്ലൂർ പൊലീസ് അന്വേഷണം നടത്തി റഹ്മാൻ ഷെയ്ഖിനെ 2023ല് അറസ്റ്റ് ചെയ്തിരുന്നു . റഹ്മാൻ ഷെയ്ഖ് സാധുവായ വിസയും പാസ്പോർട്ടും ഇല്ലാത്തയാളാണെന്ന് പൊലീസ് കേന്ദ്ര സർക്കാരിനെ അറിയിച്ചു. എന്നാല്, ശസ്ത്രക്രിയയുടെ കാരണം ചൂണ്ടിക്കാട്ടി കോടതിയുടെ അനുമതി വാങ്ങിയാണ് റഹ്മാൻ ഷെയ്ഖ് പുറത്തിറങ്ങിയത്.
മോചിതനായ ശേഷം രണ്ടാം ഭാര്യയ്ക്കൊപ്പമായിരുന്നു താമസം. ഇപ്പോള്, കടുഗോഡി പോലീസും ഫോറിനേഴ്സ് റീജിയണല് രജിസ്ട്രേഷൻ ഓഫീസ് (എഫ്ആർഒ) ഉദ്യോഗസ്ഥരും സംയുക്തമയാണ് റഹ്മാൻ ഷെയ്ഖിനെ അറസ്റ്റ് ചെയ്തത്.
