ബെംഗളൂരു : കെങ്കേരി-ചല്ലഘട്ട മെട്രോപാതയുടെ സുരക്ഷാപരിശോധന വെള്ളിയാഴ്ച നടക്കും. മെട്രോ പർപ്പിൾ ലൈനിൽ സർവീസിൽ നിയന്ത്രണം ഏർപ്പെടുത്തി. കെങ്കേരി മുതൽ മൈസൂരു റോഡ് വരെ വെള്ളിയാഴ്ച മെട്രോ സർവീസ് ഉണ്ടായിരിക്കില്ലെന്ന് ബി.എം.ആർ.ടി.സി. അറിയിച്ചു. ബാക്കിഭാഗത്ത് സർവീസുകൾ മുടങ്ങില്ലെന്നും അറിയിച്ചു.
നാളെ മുതല് വ്യാപക മഴ;ചക്രവാതച്ചുഴി ന്യൂനമര്ദമായി ശക്തി പ്രാപിക്കാന് സാധ്യത
അടുത്ത അഞ്ച് ദിവസം സംസ്ഥാനത്ത് വ്യാപകമായി ശക്തമായ മഴക്ക് സാധ്യതയെന്ന് കേന്ദ്ര കാലാവസ്ഥ വകുപ്പ്. ശക്തമായ മഴ കണക്കിലെടുത്ത് വിവിധ ജില്ലകളില് യെല്ലോ അലര്ട്ട് പ്രഖ്യാപിച്ചു. ബുധനാഴ്ച മുതല് മഴ ശക്തമാകും എന്നാണ് മുന്നറിയിപ്പ്. ബുധനാഴ്ച കണ്ണൂര്, കാസര്കോട്, കോഴിക്കോട്, മലപ്പുറം, തൃശൂര്, ആലപ്പുഴ, കോട്ടയം, എറണാകുളം, ഇടുക്കി ജില്ലകളിലും വ്യാഴാഴ്ച പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, തൃശൂര്, മലപ്പുറം, കോഴിക്കോട്, കണ്ണൂര്, കാസര്കോട് ജില്ലകളിലും വെള്ളിയാഴ്ച എറണാകുളം മുതല് കാസര്കോട് വരെയും ശനിയാഴ്ച കണ്ണൂര്, കോഴിക്കോട്, എറണാകുളം, ഇടുക്കി ജില്ലകളിലുമാണ് യെല്ലോ അലര്ട്ട്.
ബംഗാള് ഉള്ക്കടല് ന്യൂനമര്ദ്ദ സാധ്യത ഉണ്ടെന്നും കാലാവസ്ഥ വകുപ്പ് മുന്നറിയിപ്പ് നല്കി. ഉത്തര്പ്രദേശിന് മുകളില് ചക്രവാത ചുഴി സ്ഥിതി ചെയ്യുന്നു. തെലങ്കാനക്ക് മുകളില് മറ്റൊരു ചക്രവാത ചുഴി സ്ഥിതി ചെയ്യുന്നു. മധ്യ പടിഞ്ഞാറന് ബംഗാള് ഉള്ക്കടലില് ആന്ധ്രാപ്രദേശ് തീരത്തിന് മുകളില് ചക്രവാത ചുഴി സ്ഥിതി ചെയ്യുന്നു.സെപ്റ്റംബര് 29-ഓടെ വടക്കന് ആന്ഡമാന് കടലിന് മുകളില് ചക്രവാത ചുഴി രൂപപ്പെടാന് സാധ്യത.
തുടര്ന്നുള്ള 24 മണിക്കൂറിനുള്ളില് വടക്കന് ആന്ഡമാന് കടലിനും മധ്യ കിഴക്കന് ബംഗാള് ഉള്ക്കടലിനും മുകളിലായി ന്യൂനമര്ദ്ദമായി ശക്തി പ്രാപിക്കാന് സാധ്യത. തുടര്ന്ന് പടിഞ്ഞാറ്, വടക്ക് – പടിഞ്ഞാറ് ദിശയില് സഞ്ചരിച്ച് വീണ്ടും ശക്തി പ്രാപിക്കാന് സാധ്യത എന്നും മുന്നറിയിപ്പില് പറയുന്നു.
