കർണാടകയിലേക്ക് യാത്ര ചെയ്യുന്നതിന് നിലവിലുള്ള സർക്കാർ നിർദ്ദേശങ്ങൾ എന്തൊക്ക? സംശയങ്ങൾക്കുള്ള മറുപടി

ബംഗളുരു: കോവിഡ് -19 പാൻഡെമിക്കിന്റെ നിലവിലെ സാഹചര്യം കണക്കിലെടുത്ത് കർണാടക സംസ്ഥാനം പുതിയ യാത്രാ മാർഗ്ഗനിർദ്ദേശങ്ങൾ പുറത്തിറക്കി. കോവിഡ് -19 ലോക്ക്ഡൗണിന് ശേഷം സർക്കാർ പല ഘട്ടങ്ങളിലായി മിക്ക യാത്രാ നിയന്ത്രണങ്ങളും നീക്കിയിരുന്നെങ്കിലും, കർണാടകയിലെ കൊവിഡിന്റെ രണ്ടാം തരംഗം വീണ്ടും യാത്രാ നിർദേശങ്ങൾ ഏർപ്പെടുത്താൻ സർക്കാർ തീരുമാനിച്ചു. കർണാടക സർക്കാർ പുറപ്പെടുവിക്കുന്ന അപ്‌ഡേറ്റുകൾ അനുസരിച്ച് വിവരങ്ങൾ മാറ്റത്തിന് വിധേയമാണ്.

അയൽ സംസ്ഥാനങ്ങളിൽ നിന്ന് കർണാടകയിലേക്ക് യാത്ര ചെയ്യുന്നതിന് നിലവിലുള്ള നിർദ്ദേശങ്ങൾ എന്തൊക്കെയാണ്?

കേരളത്തിൽ നിന്നും മഹാരാഷ്ട്ര സംസ്ഥാനങ്ങളിൽ നിന്നും വരുന്നവർ 72 മണിക്കൂറിനുള്ളിൽ എടുത്ത (വാക്സിനേഷൻ എടുത്തവരും ) നിർബന്ധിത RTPCR നെഗറ്റീവ് ടെസ്റ്റ് റിപ്പോർട്ട് കയ്യിൽ കരുതേണ്ടതാണ്.

അന്താരാഷ്ട്ര യാത്രക്കാർക്കുള്ള നിർദ്ദേശങ്ങൾ എന്തൊക്കെ?

റിസ്‌ക്’ വിഭാഗത്തിലല്ലാതെ, രാജ്യങ്ങളിൽ നിന്ന് യാത്ര ചെയ്യുന്ന 2 ശതമാനം യാത്രക്കാരും എത്തിച്ചേരുമ്പോൾ എയർപോർട്ടിൽ റാൻഡം പരിശോധനയ്ക്ക് വിധേയരാകും.

സുരക്ഷിത’ രാജ്യങ്ങളിൽ നിന്ന് വരുന്ന യാത്രക്കാരിൽ, നെഗറ്റീവ് ഫലമുള്ള 5 ശതമാനം യാത്രക്കാരുടെ റാൻഡം സാമ്പിൾ ലാൻഡിംഗിൽ ആർടി-പിസിആർ പരിശോധനയ്ക്ക് വിധേയമാക്കും. ഇവരുടെ സ്രവ സാമ്പിളുകൾ ശേഖരിച്ച് ജീനോമിക് സീക്വൻസിങ്ങിലേക്ക് അയക്കും. പരിശോധനാഫലം പോസിറ്റീവായാൽ അവരെ ഐസൊലേഷൻ കേന്ദ്രത്തിൽ പ്രവേശിപ്പിക്കും. ഒമൈക്രോണിന് ജീനോം സീക്വൻസിങ് നെഗറ്റീവ് ആണെങ്കിൽ, ഡോക്ടറുടെ നിർദ്ദേശപ്രകാരം അവരെ ഡിസ്ചാർജ് ചെയ്യപ്പെടും.

എല്ലാ അന്താരാഷ്ട്ര യാത്രക്കാരും ഫ്ലൈറ്റിൽ കയറുന്നതിന് മുമ്പ് 72 മണിക്കൂറിനുള്ളിൽ നെഗറ്റീവ് RT-PCR റിപ്പോർട്ട് അപ്‌ലോഡ് ചെയ്യണം. വിമാനത്താവളത്തിൽ എത്തിച്ചേരുമ്പോൾ തെർമൽ സ്ക്രീനിംഗും സ്വയം പ്രഖ്യാപന ഫോമും ആവശ്യമാണ്.