ജയ്പൂര് : രാജ്യത്ത് കൊറോണ വൈറസിന്റെ പുതിയ വകഭേദമായ ഒമിക്രോണ് കൂടുതല് പേര്ക്ക് സ്ഥിരീകരിച്ചു. കര്ണാടകയ്ക്കും മഹാരാഷ്ട്രയ്ക്കും ഡല്ഹിക്കും പുറമേ രാജസ്ഥാനിലാണ് പുതുതായി കേസുകള് റിപ്പോര്ട്ട് ചെയ്തിട്ടുള്ളത്.
ജയ്പൂരിലെ ഒരു കുടുംബത്തിലെ ഒന്പത് പേര്ക്കാണ് ഒമിക്രോണ് സ്ഥിരീകരിച്ചത്. ഇവരില് നാലുപേര് ദക്ഷിണാഫ്രിക്കയില് നിന്ന് എത്തിയവരാണ്. ഇവരുമായി സമ്ബര്ക്കത്തിലേര്പ്പെട്ട മറ്റു അഞ്ചുപേരിലും വൈറസ് ബാധ കണ്ടെത്തി.
*ഒമിക്രോൺ: രോഗ ലക്ഷണങ്ങൾ എന്തൊക്കെ? വിദഗ്ദർ പറയുന്നു*
ഇതോടെ രാജ്യത്ത് ഒമിക്രോണ് ബാധിതരുടെ എണ്ണം 21 ആയി. നേരത്തെ മഹാരാഷ്ട്രയില് ഏഴു പേര്ക്ക് കൂടി ഒമൈക്രോണ് സ്ഥിരീകരിച്ചിരുന്നു. മൂന്ന് പേര് നൈജീരിയയില് നിന്നും ഒരാള് ഫിന്ലന്ഡില് നിന്നുമാണ് എത്തിയത്. കഴിഞ്ഞദിവസവും മഹാരാഷ്ട്രയില് ആദ്യമായി ഒരാള്ക്ക് ഒമൈക്രോണ് സ്ഥിരീകരിച്ചിരുന്നു.
