ബെംഗളൂരു: ദക്ഷിണേന്ത്യൻ സംസ്ഥാനങ്ങള് ഉറ്റുനോക്കുന്ന പദ്ധതിയാണ് ബെംഗളൂരു-ചെന്നൈ എക്സ്പ്രസ് വേ. ഇതിന്റെ ഉദ്ഘാടനം 2027 വരെ വൈകിയേക്കുമെന്നാണ് പുതിയ റിപ്പോർട്ടുകള്.മൂന്ന് സംസ്ഥാനങ്ങളിലൂടെ കടന്നുപോകുന്ന ഈ നിർമ്മാണ പദ്ധതിക്ക് പലവിധ വെല്ലുവിളികള് നേരിടുന്നതാണ് കാലതാമസത്തിന് പ്രധാന കാരണം. എല്ലാ സംസ്ഥാനങ്ങളിലും പ്രവർത്തനങ്ങളില് ഒരുപോലെ വേഗത നിലനിർത്താൻ അധികാരികള്ക്ക് സാധിക്കാതെ വന്നതോടെയാണ് വൈകുന്നത്.മാധ്യമ റിപ്പോർട്ടുകള് പ്രകാരം, 263 കിലോമീറ്റർ ദൈർഘ്യമുള്ള ഈ ഇടനാഴിയുടെ നിർമ്മാണം തടസമില്ലാതെ പൂർത്തിയാക്കാൻ തമിഴ്നാട്ടിലെ പ്രശ്നങ്ങളില് അടിയന്തിര നടപടികള് ആവശ്യമാണ്. നിലവില് എക്സ്പ്രസ് വേയുടെ നിർമ്മാണ പുരോഗതി സംസ്ഥാനങ്ങള്ക്കനുസരിച്ച് വ്യത്യാസപ്പെട്ടിരിക്കുന്നു.കർണാടകയിലെ 72 കിലോമീറ്റർ ദൈർഘ്യമുള്ള ഹോസ്കോട്ടെ മുതല് കെജിഎഫ് വരെയുള്ള ഭാഗം 100 ശതമാനം പൂർത്തിയാക്കി ഏകദേശം ഒരു വർഷത്തോളമായി തുറന്നുകൊടുത്തിട്ടുണ്ട്. ആന്ധ്രാപ്രദേശില് 85 കിലോമീറ്റർ ഭാഗത്തിന്റെ 92 ശതമാനം നിർമ്മാണവും പൂർത്തിയായി. അതേസമയം, 106 കിലോമീറ്റർ ദൂരമുള്ള തമിഴ്നാട്ടിലെ ഭാഗമാണ് വെറും 80 ശതമാനം മാത്രം പൂർത്തിയാക്കി കാലതാമസത്തിന് കാരണമാവുന്നത്.യഥാർത്ഥത്തില് 2024-ഓടെ ഈ പാതയുടെ നിർമ്മാണം പൂർത്തിയാക്കുവാനായിരുന്നു അധികൃതർ ലക്ഷ്യമിട്ടിരുന്നത്. എന്നാല്, പ്രധാനമായും മൂന്ന് കാരണങ്ങളാണ് പദ്ധതിയുടെ വേഗത കുറച്ചത്. വനാനുമതികള് ലഭിക്കുന്നതിലെ ചുവപ്പുനാട സംബന്ധമായ കാലതാമസം, പാതയ്ക്ക് ആവശ്യമായ ഭൂമി ഏറ്റെടുക്കുന്നതിലെ ബുദ്ധിമുട്ടുകള്, സാമ്പത്തിക പ്രതിസന്ധികള് എന്നിവ ഒക്കെയും ഇതില് ഉള്പ്പെടുന്നു.വെല്ലുവിളികളില് ഏറെയും തമിഴ്നാട്ടില്സാമ്പത്തിക പ്രശ്നങ്ങളില് ഏറ്റവും വലിയ തടസമായി മാറിയത് തമിഴ്നാട്ടിലാണ്. അരക്കോണം-കാഞ്ചീപുരം ഭാഗം നിർമ്മിക്കുന്ന കരാറുകാരന് സാമ്പത്തിക പ്രതിസന്ധി ഉണ്ടായതാണ് പ്രധാന കാരണമായി വിലയിരുത്തുന്നത്. 2025 മെയ് മാസത്തില് ഈ ഭാഗത്തെ ജോലികള് പൂർണമായും നിലച്ചു. ഈ ഭാഗം പൂർത്തിയാക്കാതെ മുഴുവൻ പദ്ധതിയും മുന്നോട്ട് പോകില്ല.അതേസമയം, ഇതൊരു ഗ്രീൻഫീല്ഡ് പദ്ധതിയായതുകൊണ്ട്, പൂർണമായി തുറക്കുന്നതിന് മുമ്പ് മുഴുവൻ എക്സ്പ്രസ് വേയും നിർമ്മിച്ചു തീർക്കേണ്ടതുണ്ട്. നിലവില് സ്തംഭിച്ച ഭാഗത്തിനുള്ള കരാർ റദ്ദാക്കാൻ നാഷണല് ഹൈവേ അതോറിറ്റി ഓഫ് ഇന്ത്യ നീങ്ങുകയാണെന്നാണ് വിവരം. വായ്പ നല്കിയവർ, ഈ ജോലി ഏറ്റെടുത്ത് പൂർത്തിയാക്കാൻ ഒരു പുതിയ കമ്പനിയെ കണ്ടെത്താനുള്ള ശ്രമങ്ങളിലാണ്.യാത്രാ സമയം 2 മണിക്കൂറായി കുറയുംനിർമ്മാണം പൂർത്തിയാകുന്നതോടെ ഇതുവഴിയുള്ള യാത്രികർക്ക് വലിയ മാറ്റമാകും ഈ എക്സ്പ്രസ് വേ നല്കുന്നത്. നിലവില് ഹോസൂർ വഴിയുള്ള പഴയ പാതയിലൂടെ ബെംഗളൂരുവില് നിന്ന് ചെന്നൈയിലേക്ക് എത്താൻ ഏകദേശം 6-7 മണിക്കൂറാണ് എടുക്കുന്നത്. പുതിയ പാത യാഥാർത്ഥ്യമാകുമ്പോള്, യാത്രാസമയം വെറും രണ്ടര മണിക്കൂറിനടുത്തായി കുറയും. ഇത് യാത്രികർക്ക് മികച്ച രീതിയില് ഗുണകരമാവും എന്നുറപ്പാണ്.
ബെംഗളൂരു-ചെന്നൈ എക്സ്പ്രസ് വേ വൈകുന്നു; കാരണമാവുന്നത് തമിഴ്നാട്? യാത്രാ സമയം 5 മണിക്കൂര് കുറയും!
