ബെംഗളൂരു: മല്ലേശ്വരത്ത് ബിഫാം വിദ്യാര്ഥിനിയെ കഴുത്തറുത്ത് കൊന്നു. ബെംഗളൂരു സ്വദേശിനി യാമിനി പ്രിയയാണ് അതിക്രൂരമായി കൊല്ലപ്പെട്ടത്.പ്രണയ നൈരാശ്യത്തെ തുടര്ന്ന് വിഘ്നേഷ് എന്ന യുവാവാണ് കൊലപാതകം നടത്തിയതെന്ന് പൊലീസ് അറിയിച്ചു.മല്ലേശ്വരത്തെ മന്ത്രി മാളിന് പിന്നില് യാമിനി പ്രിയയെ വ്യാഴാഴ്ച കൊല്ലപ്പെട്ട നിലയില് കണ്ടെത്തുകയായിരുന്നു. ഷോപ്പിങ് മാളിന് പിന്നിലെ റെയില്വേ ട്രാക്കിന് സമീപമാണ് പെണ്കുട്ടിയുടെ മൃതദേഹം കണ്ടെത്തിയത്.കൊലപാതക ശേഷം വിഘ്നേഷ് ഒളിവില് പോയി. ഇയാളെ കണ്ടെത്താനായി വിവിധ സംഘങ്ങളായി തിരിഞ്ഞ് പൊലീസ് അന്വേഷണം നടത്തിവരികയാണ്. വ്യാഴാഴ്ച രാവിലെ 7 മണിയോടെയാണ് യാമിനി പ്രിയ പരീക്ഷയ്ക്കായി വീട്ടില് നിന്ന് ഇറങ്ങിയത്.തുടര്ന്ന് പരീക്ഷ കഴിഞ്ഞ് യാമിനി വീട്ടിലേക്ക് മടങ്ങുമ്ബോള് വിഘ്നേഷ് വഴിയിലുണ്ടായിരുന്നു. ഇയാള് യുവതിയെ ഇരുചക്ര വാഹനത്തില് പിന്തുടര്ന്ന് എത്തുകയായിരുന്നു. ശേഷം ഇയാള് കത്തി കൊണ്ട് യുവതിയുടെ കഴുത്തറുക്കുകയും സ്ഥലത്തുനിന്ന് ഓടി രക്ഷപ്പെടുകയും ചെയ്തു.പ്രദേശ വാസികള് അറിയിച്ചതിനെ തുടര്ന്ന് ശ്രീരാംപുര പോലീസ് സ്ഥലത്തെത്തി തുടര് നടപടികള് സ്വീകരിച്ചു. ശേഷം എഫ്ഐആര് രജിസ്റ്റര് ചെയ്ത് കേസ് അന്വേഷണം ആരംഭിക്കുകയുമായിരുന്നു.
ബെംഗളൂരുവിനെ നടുക്കി അരുംകൊല, വിദ്യാര്ഥിനിയെ കഴുത്തറുത്ത് കൊന്നു
