ബെംഗളൂരു : പൊതുജനങ്ങൾക്ക്സൈന്യത്തെയും സൈനിക പ്രവൃത്തികളെയും കൂടുതലറിയാൻ ‘ആർമിയെ അറിയൂ’ എന്ന പേരിൽ ശനിയാഴ്ച മനേക്ഷാ പരേഡ് മൈതാനത്ത് സൈനികമേള നടക്കും. രാവിലെ എട്ടു മുതൽ വൈകീട്ട് നാലുവരെയാണ് മേള.ആയുധങ്ങളുടെയും ഉപകരണങ്ങളുടെയും പ്രദർശനം, ടൊർണാഡോസ് ബൈക്ക് ഡിസ്പ്ലേ, കുതിരയോട്ടം, പൈപ്പ് ബാൻഡ് ഡിസ്പ്ലേ തുടങ്ങിയവ മേളയിലുണ്ടാകും. ഭക്ഷണ സ്റ്റാളുകളുൾപ്പെടെ വിവിധഇനം സ്റ്റാളുകളുണ്ടാകും. കുട്ടികൾക്ക് കൗതുകമുണർത്തുന്ന ഒട്ടേറെ കാര്യങ്ങൾ മേളയിലുണ്ടാകുമെന്ന് അധികൃതർ അറിയിച്ചു. 77-ാമത് ഇന്ത്യൻ സൈനിക ദിനചരണത്തിന്റെ ഭാഗമായാണ് പരിപാടി.
സ്കൂളിലെത്തിയ എട്ട് വയസുകാരി ക്ലാസിലേക്ക് പോകുന്നതിനിടെ ക്ഷീണം തോന്നി ഇരുന്നു; പിന്നാലെ കുഴഞ്ഞുവീണ് മരിച്ചു
ഗുജറാത്തിലെ അഹ്മദാബാദില്‍ എട്ട് വയസുള്ള സ്കൂള്‍ വിദ്യാർത്ഥിനി കുഴഞ്ഞുവീണ് മരിച്ചു. വെള്ളിയാഴ്ച രാവിലെയായിരുന്നു സംഭവം.ആരോഗ്യ പ്രശ്നങ്ങളൊന്നുമില്ലാതെ രാവിലെ പതിവുപോലെ സ്കൂളിലെത്തിയ മൂന്നാം ക്ലാസുകാരി ക്ലാസിലേക്ക് നടന്നു പോകുന്നതിനിടെ വരാന്തയില്‍ കുഴഞ്ഞവീഴുകയായിരുന്നു. സ്കൂളിലെ സിസിടിവി ദൃശ്യങ്ങള്‍ പുറത്തുവന്നിട്ടുണ്ട്.അഹ്മദാബാദിലെ സെബർ സ്കൂളിലാണ് സംഭവം. കുട്ടി ക്ലാസിലേക്ക് നടന്നു പോകുന്നത് ദൃശ്യങ്ങളില്‍ കാണാം. പിന്നീട് എന്തോ ക്ഷീണം തോന്നിയിട്ടെന്ന പോലെ അല്‍പ നേരം നില്‍ക്കുകയും പതുക്കെ നടന്നുപോയി വരാന്തയിലെ ഒരു ബെഞ്ചില്‍ ഇരിക്കുകയും ചെയ്യുന്നു.
ഇരിക്കുന്നതിന് തൊട്ടുമുമ്ബ് കൈ നെഞ്ചിനു മുകളില്‍ വെച്ചിരിക്കുന്നതും കാണാം. നിമിഷങ്ങള്‍ക്കകം കുട്ടി അവിടെ കുഴഞ്ഞുവീഴുകയായിരുന്നു. തൊട്ടടുത്തുണ്ടായിരുന്ന ഏതാനും അധ്യാപകരും മറ്റ് വിദ്യാർത്ഥികളും ഉടൻ തന്നെ അടുത്തേക്ക് ഓടിയെത്തി.കുട്ടിയെ ഉടനെ അടുത്തുള്ള ആശുപത്രിയില്‍ എത്തിച്ചെങ്കിലും ജീവൻ രക്ഷിക്കാൻ സാധിച്ചില്ല. കുട്ടിയ്ക്ക് മറ്റ് ആരോഗ്യ പ്രശ്നങ്ങളൊന്നും ഉള്ളതായി അറിവില്ലെന്ന് പ്രിൻസിപ്പല്‍ ശർമിഷ്ഠ സിൻഹ പറഞ്ഞു.
കുഴഞ്ഞുവീണതിന് പിന്നാലെ ശ്വാസം കിട്ടുന്നില്ലെന്ന് കുട്ടി പറഞ്ഞു. ഉടനെ തന്നെ ആശുപത്രിയിലേക്ക് കൊണ്ടുപോയെങ്കിലും ജീവൻ രക്ഷിക്കാൻ സാധിച്ചില്ലെന്നും പ്രിൻസിപ്പല്‍ പറഞ്ഞു. മൃതദേഹം പോസ്റ്റ്മോർട്ടത്തിന് അയച്ചിട്ടുണ്ട്. ഹൃദയാഘാതമാണ് മരണ കാരണമായതെന്നാണ് പ്രാഥമിക നിഗമനം. കുട്ടിയുടെ മാതാപിതാക്കള്‍ മുംബൈയിലാണുള്ളത്. അഹ്മദാബാദില്‍ മുത്തച്ഛനും മുത്തശ്ശിക്കുമൊപ്പം താമസിച്ചാണ് പഠിച്ചിരുന്നത്.
