വിനീത് ശ്രീനിവാസൻ വിളിച്ചാല്‍ ഇനി അഭിനയിക്കാൻ പോവില്ലെന്ന് സംഗീത സംവിധായകനും നടനുമായ സുഷിൻ ശ്യാം. സംഗീതത്തില്‍ പുലിയായ സുഷിൻ ചില ചിത്രങ്ങളില്‍ തല കാണിച്ചിട്ടുണ്ട്. വിനീത് ശ്രീനിവാസൻ സംവിധാനം ചെയ്ത തട്ടത്തിൻ മറയത്ത് എന്ന ചിത്രത്തില്‍ കുറച്ച്‌ നേരമേ സീനില്‍ ഉണ്ടായിരുന്നു എങ്കിലും വലിയ ശ്രദ്ധ നേടിയ കഥാപാത്രമായിരുന്നു സുഷിൻ ചെയ്‌തത്‌.
എന്നാല്‍ ഇപ്പോഴും ആ സീനില്‍ അഭിനയിച്ചതിനാല്‍ പലരും തിരിച്ചറിയുന്നുണ്ടെന്നും അതില്‍ സന്തോഷമുണ്ടെങ്കിലും വിനീത് ശ്രീനിവാസൻ വിളിച്ചാല്‍ ഇനി അഭിനയിക്കാൻ പോവില്ലെന്നും പറയുകയാണ് നടൻ. തനിക്ക് അഭിനയിക്കാൻ താത്പര്യമില്ലെന്നും ക്യാമറ ഫേസ് ചെയ്യാൻ പ്രയാസമാണെന്നും സുഷിൻ പറയുന്നു.
അഭിനയം തനിക്ക് അത്ര താത്പര്യമില്ല. തട്ടത്തിൻ മറയത്തിന് ശേഷം പലരും അഭിനയിക്കാൻ തന്നെ വിളിച്ചിട്ടുണ്ട്. പലപ്പോഴും വിചാരിക്കുക എന്നെ മ്യൂസിക് ചെയ്യാൻ വേണ്ടി വിളിക്കുന്നതാണെന്ന്.
പക്ഷെ അഭിനയിക്കാൻ വിളിക്കുകയാണെന്ന് അറിഞ്ഞാല്‍ ഞാൻ ചോദിക്കാറുണ്ട് അഭിനയിക്കാനോ? ഞാനോ? എന്ന്. കാരണം എവിടെയാണെങ്കിലും തനിക്ക് ക്യാമറ ഇത്തിരി ബുദ്ധിമുട്ടാണെന്നും അതെനിക്ക് പറ്റില്ലെന്നും സുഷിൻ പറയുന്നു.
