മടിക്കേരി: കുശാൽനഗറിലെ കോപ്പ ഗ്രാമത്തിൽ പിറന്നാൾ ആഘോഷത്തിനിടെയുണ്ടായ വാക്ക് തർക്കത്തിൽ വ്യവസായിക്ക് വെടിയേറ്റു.റിയൽ എസ്റ്റേറ്റ് വ്യവസായിയായ കെ എസ് ശശികുമാറിനാണ് പരിക്കേറ്റത്. ശശികുമാറിന് നേരെ വെടിയുതിർത്ത അനുദീപ് എന്നയാളാണ് അറസ്റ്റിലായത്. അനുദീപിനെ പ്രേരിപ്പിച്ച ലവകുമാറിനെയും പൊലീസ് അറസ്റ്റ് ചെയ്തു.
ഇരുവരും ഒരു ജന്മദിന പാർട്ടിയിൽ പങ്കെടുത്തിരുന്നു. ഇരുവരും തമ്മിലുള്ള വഴക്കാണ് അനുദീപിനെ വീട്ടിലേക്ക് പോകാൻ പ്രേരിപ്പിച്ചത്. എന്നാൽ, വാദം തുടരാൻ ശശികുമാർ പിന്നാലെയെത്തി.ഇതിനിടെ കാറിനുള്ളിൽ ഇരിക്കുകയായിരുന്ന ശശികുമാറിന് നേരെ എയർ ഗൺ ഉപയോഗിച്ച് അനുദീപ് വെടിയുതിർക്കുകയായിരുന്നു. ശശികുമാറിൻ്റെ കാലിന് പരിക്കേറ്റു. പരാതിയെ തുടർന്ന് അനുദീപിനെയും ലവകുമാറിനെയും പൊലീസ് അറസ്റ്റ് ചെയ്തു. വിദഗ്ധ ചികിത്സയ്ക്കായി ശശികുമാറിനെ മൈസൂരുവിലേക്ക് മാറ്റി.
