ബംഗളൂരു: ഞായറാഴ്ച ഫീല്‍ഡ് മാർഷല്‍ സാം മനേക് ഷാ പരേഡ് ഗ്രൗണ്ടില്‍ നിന്നാരംഭിക്കുന്ന ടി.സി.എസ് വേള്‍ഡ് 10 കെ ബംഗളൂരു മാരത്തണില്‍ പങ്കെടുക്കുന്നവരുടെ സൗകര്യാർഥം മെട്രോ സർവിസുകള്‍ രാവിലെ ഏഴിന് പകരം പുലർച്ചെ 3.35 മുതല്‍ ഓടിത്തുടങ്ങും.4.25 വരെ 10 മിനിറ്റ് ഇടവേളകളില്‍ സർവിസുകളുണ്ടാകും. മെജസ്റ്റിക്കില്‍ നിന്നും എം.ജി റോഡ് സ്റ്റേഷനിലേക്ക് 4.10 മുതല്‍ അഞ്ചു വരെ സർവിസുകളുണ്ടാവും.
കാണാതായ വിദ്യാര്‍ത്ഥിനിയെയും സുഹൃത്തിനെയും തൂങ്ങിമരിച്ച നിലയില്‍ കണ്ടെത്തി
കാണാതായ വിദ്യാർത്ഥിനിയെയും യുവാവിനെയും തൂങ്ങിമരിച്ച നിലയില്‍ കണ്ടെത്തിയതായി റിപ്പോർട്ട്. സംഭവം നടന്നത് താമരശേരിയിലാണ്.കട്ടിപ്പാറ കരിഞ്ചോലയില്‍ നിന്നും കഴിഞ്ഞ വെള്ളിയാഴ്ച പുലർച്ചെ മുതലാണ് വിദ്യാർത്ഥിനിയെ കാണാതായതെന്നാണ് വിവരം.വിദ്യാർത്ഥിയുടെ കൂടെ എകരൂല്‍ സ്വദേശിയായ യുവാവിനെയും കാണാതായി എന്നായിരുന്നു റിപ്പോർട്ട്. താമരശേരി വൊക്കേഷണല്‍ ഹയർ സെക്കൻഡറി സ്കൂള്‍ പത്താം ക്ലാസ് വിദ്യാർത്ഥിനി ദേവനന്ദയേയും എകരൂല്‍ സ്വദേശിയായ വിഷ്ണുവിനെയുമാണ് തൂങ്ങി മരിച്ച നിലയില്‍ കണ്ടെത്തിയത്. ഇവരെ ബാലുശ്ശേരി കണ്ണാടിപ്പൊയില്‍ കാപ്പിക്കുന്നിലെ ആള്‍ താമസമില്ലാത്ത വീട്ടിലാണ് തൂങ്ങിമരിച്ച നിലയില്‍ കണ്ടെത്തിയത്.
മൃതദേഹത്തിന് ദിവസങ്ങളുടെ പഴക്കമുണ്ടെന്നാണ് പ്രാഥമിക നിഗമനം. മകളെ കാണാതായതിനെ തുടർന്ന് പിതാവ് പോലീസില്‍ പരാതി നല്‍കിയിട്ടും ദിവസങ്ങള്‍ കഴിഞ്ഞും പെണ്‍കുട്ടിയെ കണ്ടെത്താൻ സാധിക്കാത്തതില്‍ പെണ്‍കുട്ടിയുടെ പിതാവ് പോലീസിനെതിരെ രംഗത്തെത്തിയിരുന്നു. ഇതിനിടയിലാണ് ആള്‍ത്താമസമില്ലാത്ത ഈ വീടിന്റെ ഭാഗത്തു നിന്നും ദുർഗന്ധം വമിച്ചതിനെ തുടർന്ന് നാട്ടുകാർ പരിശോധന നടത്തിയത്. തുടർന്നാണ് വൈകുന്നേരം ഇവരുടെ മൃതദേഹം തൂങ്ങിമരിച്ച നിലയില്‍ കണ്ടെത്തിയത്. സംഭവത്തില്‍ പോലീസ് അന്വേഷണം നടക്കുന്നുണ്ട്.
