ബെംഗളൂരു:ഈസ്റ്റര്‍ അവധിയോടനുബന്ധിച്ചുള്ള യാത്രാത്തിരക്ക് പരിഗണിച്ച് കേരളത്തിലേക്ക് പ്രത്യേക സര്‍വീസുകള്‍ പ്രഖ്യാപിച്ച് കര്‍ണാടക ആര്‍.ടി.സി. 27, 28, 29 തീയതികളിലായി ഒമ്പത് പ്രത്യേക ബസുകളാണ് പ്രഖ്യാപിച്ചത്. കണ്ണൂര്‍, എറണാകുളം, തൃശ്ശൂര്‍, പാലക്കാട് എന്നിവിടങ്ങളിലേക്കാണ് പ്രത്യേക ബസുകള്‍. പതിവ് സര്‍വീസുകളില്‍ ടിക്കറ്റ് തീര്‍ന്നതിനാലാണ് പ്രത്യേക ബസുകള്‍ പ്രഖ്യാപിച്ചത്. ടിക്കറ്റ് തീരുന്നതനുസരിച്ച് വരുംദിവസങ്ങളില്‍ കൂടുതല്‍ ബസുകള്‍ പ്രഖ്യാപിക്കും. എന്നാൽ അവധിയോടനുബന്ധിച്ച് കേരള ആര്‍.ടി.സി.യുടെ പ്രത്യേക ബസ് പ്രഖ്യാപനം വൈകുകയാണ്.
കര്‍ണാടകയുടെ പ്രത്യേക ബസുകള്‍*മാര്‍ച്ച് 27: ബെംഗളൂരു-കണ്ണൂര്‍ (രാത്രി 9.10 -ഐരാവത്, 9.27-രാജഹംസ), ബെംഗളൂരു- എറണാകുളം (രാത്രി 8.24-ഐരാവത് ക്ലബ് ക്ലാസ്), ബെംഗളൂരു-കോട്ടയം (രാത്രി 8.24, ഐരാവത് ക്ലബ് ക്ലാസ്), ബെംഗളൂരു-തൃശ്ശൂര്‍ (രാത്രി 9.18, ഐരാവത് ക്ലബ് ക്ലാസ്).
മാര്‍ച്ച് 28: ബെംഗളൂരു-എറണാകുളം (രാത്രി 7.54-ഐരാവത് ക്ലബ് ക്ലാസ്), ബെംഗളൂരു-പാലക്കാട് (രാത്രി 9.36-ഐരാവത് ക്ലബ് ക്ലാസ്), ബെംഗളൂരു- തൃശ്ശൂര്‍ (രാത്രി 9.01, ഐരാവത് ക്ലബ് ക്ലാസ്).
മാര്‍ച്ച് 29: ബെംഗളൂരു-മൂന്നാര്‍ (രാത്രി 9.11, നോണ്‍ എ.സി. സ്ലീപ്പര്‍).
85ന് മുകളില്‍ പ്രായമുള്ളവര്‍ക്കും,40 ശതമാനത്തിലേറെ വൈകല്യമുള്ളവര്‍ക്കും’വോട്ട് ഫ്രം ഹോം’
ദില്ലി:ലോക്സഭാ തെര‍ഞ്ഞെടുപ്പില്‍ 85ന് മുകളില്‍ പ്രായമുള്ളവര്‍ക്കും, 40 ശതമാനത്തിലേറെ വൈകല്യമുള്ളവര്‍ക്കും’വോട്ട് ഫ്രം ഹോം’ സൗകര്യം പ്രയോജനപ്പെടുത്താം. അതായത് വീട്ടില്‍വച്ചുതന്നെ വോട്ട് രേഖപ്പെടുത്താനുള്ള സൗകര്യം.ദില്ലിയില്‍ തെരഞ്ഞെടുപ്പ് തീയ്യതി പ്രഖ്യാപനത്തിനിടെ തെരഞ്ഞെടുപ്പ് കമ്മീഷൻ ആണ് ഇക്കാര്യം വ്യക്തമാക്കിയത്.
പ്രായാധിക്യം മൂലം അവശനിലയില്‍ ആയി പുറത്തിറങ്ങാൻ പ്രയാസമനുഭവിക്കുന്നവര്‍ക്കും ശാരീരികവൈകല്യം മൂലം വോട്ട് ചെയ്യാൻ പോകാൻ ബുദ്ധിമുട്ടുന്നവര്‍ക്കുമെല്ലാം ഈ സൗകര്യം ഏറെ ആശ്വാസകരമായിരിക്കും.കുടിവെള്ളം, ശൗചാലയം, വീല്‍ച്ചെയര്‍, മെഡിക്കല്‍ സൗകര്യങ്ങള്‍ എന്നിവയും വോട്ടിംഗ് കേന്ദ്രങ്ങളില്‍ സജ്ജമാക്കുമെന്ന് തെരഞ്ഞെടുപ്പ് കമ്മീഷൻ അറിയിച്ചിട്ടുണ്ട്. എത്താവുന്ന എല്ലായിടങ്ങളിലുമെത്തി വോട്ടെടുപ്പില്‍ ജനങ്ങളെ പങ്കാളികളാക്കാനാണ് തീരുമാനം. പേപ്പര്‍ ഉപയോഗം പരമാവധി കുറയ്ക്കും, ഇ-വോട്ടര്‍ ലിസ്റ്റ് പ്രയോജനപ്പെടുത്തും, ഇലക്ട്രോണിക് സംവിധാനങ്ങളെ തന്നെ കാര്യമായി ആശ്രയിക്കാനും തീരുമാനം.
