അങ്കാറ: തുർക്കി-സിറിയൻ അതിർത്തി മേഖലയിലെ അതിശക്തമായ ഭൂചലനത്തിൽ മരിച്ചവരുടെ എണ്ണം 4300 കടന്നു. തുർക്കിയിൽ മാത്രം 2,900 പേർ കൊല്ലപ്പെട്ടതായും 15,000ൽ ഏറെ പേർക്ക് പരുക്കേറ്റതായും പ്രസിഡന്റ് തയിപ് എർദോഗൻ അറിയിച്ചു. രക്ഷാ പ്രവർത്തനം തുടരുകയാണ്. ഇന്ത്യയിൽ നിന്ന് ആദ്യബാച്ച് രക്ഷാ പ്രവർത്തക സംഘം പുറപ്പെട്ടതായി വിദേശകാര്യ മന്ത്രാലയം അറിയിച്ചു. ഔദ്യോഗിക കണക്കനുസരിച്ച് തുർക്കിയിൽ 2379 പേരും സിറിയയിൽ 1,444 പേരുമാണ് കൊല്ലപ്പെട്ടത്.
മരണസംഖ്യ ഇനിയും ഉയരുമെന്നും എത്രത്തോളമെന്ന് കണക്കാക്കാനായിട്ടില്ലെന്നും തുർക്കി പ്രസിഡന്റ് അറിയിച്ചു. സിറിയയിൽ ഇതുവരെ 1,500ലേറെപ്പേർ മരിച്ചു. ഇരുരാജ്യങ്ങളിലും മരണസംഖ്യ എട്ട് മടങ്ങ് വർധിക്കുമെന്ന് ലോകാരോഗ്യസംഘടന മുന്നറിയിപ്പ് നൽകി. ഇതുവരെ 14,000ലധികം പേർക്കാണ് പരിക്കേറ്റത്. പരിക്കേറ്റവരിൽ പലരുടേയും നില അതീവ ഗുരുതരമാണ്. നിരവധി പേരാണ് കെട്ടിടങ്ങൾക്ക് ഉള്ളിൽ കുടുങ്ങിക്കിടക്കുന്നത്.
രാത്രി വൈകിയും രക്ഷാപ്രവർത്തനം തുടരുകയാണ്. മോശം കാലാവസ്ഥ രക്ഷാപ്രവർത്തനത്തെ പ്രതികൂലമായി ബാധിക്കുന്നുണ്ടെന്നും അധികൃതർ അറിയിച്ചു. ഇന്ത്യക്ക് പുറമെ, ജർമ്മനി, സ്വിറ്റ്സർലൻഡ്, ഹംഗറി, ഗ്രീസ് തുടങ്ങിയ രാജ്യങ്ങളിൽനിന്നുള്ള രക്ഷാപ്രവർത്തകർ തുർക്കിയിലേക്ക് തിരിച്ചു. ഇന്ത്യ ഉൾപ്പെടെ 45 ലോകരാജ്യങ്ങളാണ് മരുന്ന് ഉൾപ്പെടെയുള്ള സഹായം വാഗ്ധാനം ചെയ്തിരിക്കുന്നത്.
സിറിയയുടെ അതിര്ത്തിയോട് ചേര്ന്നുള്ള തെക്ക്-കിഴക്കന് തുര്ക്കിയിലെ ഗാസിയാന്ടെപ്പില് 17.9 കിലോമീറ്റര് ഭൂമിക്കടിയിലാണ് ഭൂചലനത്തിന്റെ പ്രഭവകേന്ദ്രമെന്നാണ് നിഗമനം. തുര്ക്കിയുടെ തലസ്ഥാന നഗരമായ അങ്കാറയിലും സമീപ നഗരങ്ങളിലും ഭൂചലനത്തെ തുടർന്ന് പ്രകമ്പനമുണ്ടായി. പത്ത് നഗരങ്ങളെ ഭൂചലനം ബാധിച്ചുവെന്ന് തുര്ക്കി ആഭ്യന്തരമന്ത്രി അറിയിച്ചു.
ദുരന്ത ബാധിത പ്രദേശങ്ങളിലേക്ക് രക്ഷാസംഘങ്ങളെ അയച്ചുവെന്നും രാജ്യമാകെ ഒന്നിച്ചുനിന്നു ദുരന്തത്തെ നേരിടുമെന്നും തുര്ക്കി പ്രസിഡന്റ് തയീപ് എര്ദോഗന് ട്വിറ്ററില് കുറിച്ചു. ആദ്യ ഭൂചലനത്തിനു പിന്നാലെ ആറ് തുടര്ചലനം അനുഭവപ്പെട്ടു. തകര്ന്ന വീടുകള്ക്കുള്ളിലേക്ക് ആളുകള് കയറരുതെന്നും അധികൃതര് മുന്നറിയിപ്പു നല്കി.
സെല്ഫ്-ഡ്രൈവിംഗ് റോബോട്ടും എഐ നിരീക്ഷണവും; ഗോവന് ബീച്ചുകളില് ഇനി കൂടുതല് സുരക്ഷ
ഗോവന് ബീച്ചുകളില് സുരക്ഷയൊരുക്കാന് ഇനി റോബോട്ടുകളും. കടലില് നീന്തുന്നതിനിടയില് അപകടത്തില്പെടുന്നവരെ രക്ഷിക്കാന് ആര്ട്ടിഫിഷ്യല് ഇന്റലിജന്സ് അധിഷ്ഠിത സെല്ഫ്-ഡ്രൈവിംഗ് റോബോട്ടായ ഔറസും എ ഐ അധിഷ്ഠിത മോണിറ്ററിംഗ് സിസ്റ്റമായ ട്രൈറ്റണും രംഗത്തിറങ്ങും.
ഔറസിന്റെ സേവനം നിലവില് വടക്കന് ഗോവയിലെ മിരാമര് ബീച്ചില് മാത്രമാണ് ലഭ്യമാകുക. ട്രൈറ്റണ് സൗത്ത് ഗോവയിലെ ബൈന, വെല്സാവോ, ബെനൗലിം, ഗാല്ഗിബാഗ് എന്നീ ബീച്ചുകളിലും നോര്ത്ത് ഗോവയിലെ മോര്ജിം ബീച്ചിലും ഉണ്ട്.
ഒരു സെല്ഫ് ഡ്രൈവിംഗ് റോബോട്ടാണ് ഔറസ്. നിരോധിത മേഖലകളില് പട്രോളിംഗ് നടത്തി വേലിയേറ്റ സമയത്ത് വിനോദസഞ്ചാരികള്ക്ക് മുന്നറിയിപ്പ് നല്കാന് ഇത് സഹായിക്കും. ബീച്ചുകളില് നിരീക്ഷണം ശക്തമാക്കാനും ജനക്കൂട്ടത്തെ നന്നായി നിയന്ത്രിക്കാനും ഇത് സഹായിക്കും. നീന്തല് നിരോധിച്ചിട്ടുള്ള സ്ഥലങ്ങള് ആര്ട്ടിഫിഷ്യല് ഇന്റലിജന്സിന്റെ സഹായത്തോടെ നിരീക്ഷിക്കുകയും വിനോദസഞ്ചാരികള്ക്ക് മുന്നറിയിപ്പ് നല്കേണ്ട സാഹചര്യങ്ങളില് സുരക്ഷാ ഉദ്യോഗസ്ഥര്ക്ക് വിവരം കൈമാറുകയുമാണ് ട്രൈറ്റണ് ചെയ്യുന്നത്.
