കോളജ് വിദ്യാര്ത്ഥിനിയെ പുലി കടിച്ചു കൊന്നു. മൈസൂരുവിലെ ടി നര്സിപൂര് താലൂക്കിലെ കബെഹുണ്ടി ഗ്രാമത്തിലാണ് സംഭവം.21 വയസ്സുള്ള മേഘ്ന എന്ന കോളജ് വിദ്യാര്ത്ഥിനിയാണ് മരിച്ചത്.ഇന്നലെ വൈകീട്ട് ഏഴുമണിക്കായിരുന്നു സംഭവം. വീട്ടില് നിന്നും കൃഷിയിടത്തിലേക്ക് പോകുമ്ബോഴായിരുന്നു പുലിയുടെ ആക്രമണം. പെണ്കുട്ടിയെ 200 മീറ്ററോളം പുലി വലിച്ചുകൊണ്ടുപോയി.കരച്ചില് കേട്ട് ഓടിയെത്തിയ വീട്ടുകാരും നാട്ടുകാരുമാണ് രക്തത്തില് കുളിച്ച നിലയില് പെണ്കുട്ടിയെ കണ്ടെത്തുന്നത്.
ഗുരുതരമായി പരിക്കേറ്റ പെണ്കുട്ടിയെ ഉടന് തന്നെ സമീപത്തെ ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല. നര്സിപൂര് സര്ക്കാര് കോളജിലെ ഡിഗ്രി വിദ്യാര്ത്ഥിനിയാണ് മേഘ്ന.മരിച്ച വിദ്യാര്ത്ഥിനിയുടെ കുടുംബത്തിന് കര്ണാടക സര്ക്കാര് ഏഴുലക്ഷം രൂപ ധനസഹായം പ്രഖ്യാപിച്ചു. വീട്ടിലെ ഒരാള്ക്ക് കരാര് അടിസ്ഥാനത്തില് ജോലി നല്കുമെന്നും വനം വകുപ്പ് അറിയിച്ചു. നരഭോജി പുലിയെ കണ്ടെത്താന് വനംവകുപ്പ് തിരച്ചില് ആരംഭിച്ചു.
പുതുയുഗത്തിന് തുടക്കം; മുഖം കാണിച്ച് ഇന്ത്യന് വിമാനത്താവളങ്ങളില് പ്രവേശിക്കാം
ന്യൂഡല്ഹി: തടസ്സരഹിതവുമായ വിമാന യാത്രാനുഭവത്തിനായി രാജ്യത്ത് ഡിജി യാത്ര സംവിധാനം അവതരിപ്പിച്ചു.ഫേഷ്യല് റെക്കഗ്നിഷന് ടെക്നോളജി അടിസ്ഥാനമാക്കി വിമാനത്താവളങ്ങളില് യാത്രക്കാരെ സമ്ബര്ക്കരഹിതവും തടസ്സമില്ലാത്തതുമായ പ്രോസസ്സിംഗ് നേടുന്നതിനാണ് ഡിജി യാത്ര വിഭാവനം ചെയ്തിരിക്കുന്നത്.
ബോര്ഡിംഗ് പാസുമായി ബന്ധിപ്പിച്ചേക്കാവുന്ന അവരുടെ ഐഡന്റിറ്റി സ്ഥാപിക്കുന്നതിന് മുഖ സവിശേഷതകള് ഉപയോഗിച്ച് പേപ്പര്ലെസ്, കോണ്ടാക്റ്റ്ലെസ് പ്രോസസ്സിംഗിലൂടെ യാത്രക്കാര്ക്ക് വിമാനത്താവളങ്ങളിലെ വിവിധ ചെക്ക്പോസ്റ്റുകളിലൂടെ കടന്നുപോകാവുന്ന വിധത്തിലാണ് പദ്ധതി വിഭാവനം ചെയ്തിരിക്കുന്നത്.ആദ്യഘട്ടത്തില് ഏഴ് വിമാനത്താവളങ്ങളിലും ആഭ്യന്തര വിമാന യാത്രക്കാര്ക്ക് മാത്രമാണ് ഇത് ആരംഭിക്കുക.
ഡല്ഹി, ബംഗളൂരു, വാരണാസി എന്നീ മൂന്ന് വിമാനത്താവളങ്ങളിലാണ് വ്യാഴാഴ്ച നിലവില് വരുന്നത്. തുടര്ന്ന് ഹൈദരാബാദ്, കൊല്ക്കത്ത, പൂനെ, വിജയവാഡ എന്നീ നാല് വിമാനത്താവളങ്ങളിലും അടുത്ത വര്ഷം മാര്ച്ചോടെ ആരംഭിക്കും. തുടര്ന്ന്, സാങ്കേതികവിദ്യ രാജ്യത്തുടനീളം നടപ്പിലാക്കും. .ഈ സൗകര്യം ഉപയോഗിക്കുന്നതിന്, ആധാര് അടിസ്ഥാനമാക്കിയുള്ള മൂല്യനിര്ണ്ണയവും സ്വയം ഇമേജ് ക്യാപ്ചറും ഉപയോഗിച്ച് ഡിജി യാത്ര ആപ്പില് ഒറ്റത്തവണ രജിസ്ട്രേഷന് ആവശ്യമാണ്
