വിമാനത്തില് ലഗ്ഗേജിന് ചുമത്തിയതിന് സമാനമായ നിയന്ത്രണം റെയില്വേയിലും വരുന്നുവെന്ന് റിപ്പോര്ട്ട്. അധിക ബാഗുകള്ക്ക് അധിക ചാര്ജ് ഈടാക്കാനൊരുങ്ങുകയാണ് ഇന്ത്യന് റെയില്വേ. ട്രെയ്നില് ബാഗേജുകള് കൊണ്ടുപോകുന്നതിന് ഇതുവരെ നിയന്ത്രണങ്ങളൊന്നും ഏര്പ്പെടുത്തിയിരുന്നില്ല. ഒരാള്ക്ക് എത്ര തൂക്കം വരുന്ന ബാഗ് വേണമെങ്കിലും കൂടെ കരുതാമായിരുന്നു.
ഈ നിയമത്തിനാണ് ഇപ്പോള് മാറ്റം വരുന്നത്. ബാഗുകളുടെ ഭാരം അനുവദനീയമായ അളവില് കൂടിയാല് അധികം വരുന്ന ഓരോ കിലോഗ്രാമിനും 30 രൂപ വീതം ഈടാക്കും. പുതിയ തീരുമാനം പ്രകാരം സി ഫസ്റ്റ് ക്ലാസില് 70 കിലോഗ്രാം വരെ സൗജന്യമായി കൊണ്ടുപോകാം. എസി 2 ടയര് ആണെങ്കില് 50 കിലോഗ്രാമും 3ടയര് ആണെങ്കില് 40 കിലോഗ്രാമും സൗജന്യമായി കൊണ്ടുപോകാം.
സ്ലീപ്പര് ക്ലാസില് സൗജന്യമായി 40 കിലോഗ്രാം തൂക്കം വരുന്ന ബാഗേജ് കൈയില് കരുതാം. സെക്ന്ഡ് ക്ലാസിലാണെങ്കില് കൈയിലുള്ള ബാഗേജുകളുടെ ഭാരം 35 കിലോഗ്രാമില് കവിയരുത്.
