ചെന്നൈ: ഒമിക്രോണ് വ്യാപനം വര്ദ്ധിക്കുന്ന സാഹചര്യത്തില് ദക്ഷിണേന്ത്യയിലെ നാല് സംസ്ഥാനങ്ങളിലും ഒമിക്രോണ് ബാധിതരുടെ എണ്ണം കൂടുന്നു.തമിഴ്നാട്ടില് 34 പേര്ക്കാണ് രോഗം ബാധിച്ചിട്ടുള്ളത്. തമിഴ്നാട്ടില് സാഹചര്യം വിലയിരുത്താന് മുഖ്യമന്ത്രി എം കെ സ്റ്റാലിന്റെ നേതൃത്വത്തില് ഇന്ന് യോഗം ചേരും. കൂടുതല് പരിശോധനകളും, രോഗം സ്ഥിരീകരിച്ചവരുടെ സമ്ബര്ക്കപ്പട്ടിക തയ്യാറാക്കലും നടക്കുകയാണെന്ന് ആരോഗ്യ മന്ത്രി എം. മുസുബ്രഹ്മണ്യന് അറിയിച്ചു.
കര്ണാടകയില് 12 പേര്ക്ക് കൂടി ഒമിക്രോണ് സ്ഥിരീകരിച്ചതോടെ കൊവിഡ് വകഭേദം കണ്ടെത്തിയവരുടെ എണ്ണം 31 ആയി. തെലങ്കാനയില് 14 പേര്ക്കാണ് പുതുതായി രോഗം കണ്ടെത്തിയത്. രോഗികളുടെ എണ്ണം 38 ആയി. കേരളത്തില് 29 പേരാണ് രോഗ ബാധിതരായുള്ളത്. ഒമിക്രോണ് കേസുകളുടെ എണ്ണം രാജ്യത്തെമ്ബാടും ഉയരുകയാണ്. രാജ്യത്തെ ആകെ ഒമിക്രോണ് കേസുകള് 341 ആയി ഉയര്ന്നു. കൂടുതല് സംസ്ഥാനങ്ങള് നിയന്ത്രണങ്ങള് പ്രഖ്യാപിച്ചേക്കും.
ഒമിക്രോണ് ; രാത്രികാല കര്ഫ്യൂ പ്രഖ്യാപിച്ച് മധ്യപ്രദേശ്
ഭോപ്പാല്: രാജ്യത്ത് ഒമിക്രോണ് (Omicron ) രോഗികളുടെ എണ്ണം വര്ധിക്കുന്ന സാഹചര്യത്തില് രാത്രികാല കര്ഫ്യൂ (Night Curfew) പ്രഖ്യാപിച്ച് മധ്യപ്രദേശേ് (Madhya Pradesh) സര്ക്കാര്. രാത്രി 11 മണി മുതല് പുലര്ച്ചെ അഞ്ചു മണി വരെയാണ് നിയന്ത്രണം ഏര്പ്പെടുത്തിയിരിക്കുന്നത്. മധ്യപ്രദേശ് മുഖ്യമന്ത്രി ശിവ് രാജ് സിങ് ചൗഹാനാണ് രാത്രികാല കര്ഫ്യൂ ഇക്കാര്യം അറിയിച്ചത്. മധ്യപ്രദേശേില് ഇതുവരെ ഒമിക്രോണ് കേസുകളൊന്നും റിപ്പോര്ട്ട് ചെയ്തിട്ടില്ല. രാജ്യത്ത് ഒമിക്രോണ് വകഭേദം സ്ഥിരീകരിച്ച വരുടെ എണ്ണം 300 കടന്നു.
അതേ സമയം സംസ്ഥാനത്ത് 5 പേര്ക്ക് കൂടി ഒമിക്രോണ് (Omicron Variant) സ്ഥിരീകരിച്ചതായി ആരോഗ്യ വകുപ്പ് മന്ത്രി വീണാ ജോര്ജ് (Veena George) അറിയിച്ചു. കൊച്ചി വിമാനത്താവളത്തിലെത്തിയ 4 പേര്ക്കും കോഴിക്കോട് സ്വദേശിയായ ഒരാള്ക്കുമാണ് ഒമിക്രോണ് സ്ഥിരീകരിച്ചത്. യുകെയില് നിന്നുമെത്തിയ രണ്ടു പേര്ക്കും (28, 24) അല്ബാനിയയില് നിന്നുമെത്തിയ ഒരാള്ക്കും (35) നൈജീരിയയില് നിന്നുമെത്തിയ പത്തനംതിട്ട സ്വദേശിയ്ക്കുമാണ് (40) എറണാകുളത്ത് എത്തിയവരില് രോഗം സ്ഥിരീകരിച്ചത്.
യുകെയില് നിന്നും എറണാകുളത്തെത്തിയ 28 വയസുകാരന് കോട്ടയം സ്വദേശിയാണ്. കോഴിക്കോട് ഒമിക്രോണ് സ്ഥിരീകരിച്ചയാള് (21) ബാംഗളൂര് എയര്പോര്ട്ടില് നിന്നും കോഴിക്കോട് എത്തിയതാണ്. സംസ്ഥാനത്ത് ഇതുവരെ ആകെ 29 പേര്ക്കാണ് ഒമിക്രോണ് സ്ഥിരീകരിച്ചത്. 17 പേര് ഹൈ റിസ്ക് രാജ്യങ്ങളില് നിന്നും 10 പേര് ലോ റിസ്ക് രാജ്യങ്ങളില് നിന്നും വന്നവരാണ്. രണ്ട് പേര്ക്ക് സമ്ബര്ക്കത്തിലൂടെയാണ് ഒമിക്രോണ് ബാധിച്ചത്.
