തിരുവനന്തപുരം: നവംബര് ഒന്നിന് സ്കൂള്‍ തുറക്കുന്നതിന് മുന്നോടിയായി മാര്ഗ നിര്ദ്ദേശങ്ങള് വിശദീകരിച്ച് വിദ്യാഭ്യാസ മന്ത്രി വി.ശിവന്കുട്ടി. ‘തിരികെ സ്കൂളിലേക്ക്’ എന്ന പേരിലാണ് മാര്ഗരേഖ പുറത്തിറക്കിയത്.സ്കൂള്‍ തുറന്ന് ആദ്യ രണ്ടാഴ്ചത്തെ വിലയിരുത്തലിന് ശേഷം പാഠഭാഗങ്ങള് ഏതൊക്കെ പഠിപ്പിക്കണം എന്നതില് സര്ക്കാര് തീരുമാനമെടുക്കും.
ടൈം ടേബിള് അതാത് സ്കൂളുകള്ക്ക് തീരുമാനിക്കാം. പരമാവധി കുട്ടികളെ സ്കൂളിലേക്കെത്തിക്കാന് രക്ഷിതാക്കളും അധ്യാപകരും ശ്രമിക്കണം.സ്കൂളിലെത്തുന്നതുമായി ബന്ധപ്പെട്ട് വിദ്യാര്ഥികള്ക്കും രക്ഷിതാക്കള്ക്കും ആശങ്ക വേണ്ട. പൊതു അവധി ഒഴികെയുള്ള ശനിയാഴ്ചകളില് ക്ലാസുണ്ടാവും. രണ്ട് ഡോസ് വാക്സിന്‍ സ്വീകരിച്ച രക്ഷിതാക്കള് മാത്രം കുട്ടികളെ സ്കൂളില് വിട്ടാല് മതിയാകുമെന്നും മന്ത്രി പറഞ്ഞു.
