തിരുവനന്തപുരം: കാലവർഷം ശക്തിപ്രാപിച്ചതോടെ സംസ്ഥാനത്ത് വ്യാപക മഴ തുടരുന്നു. എറണാകുളം, തൃശൂർ, പാലക്കാട്, മലപ്പുറം, കോഴിക്കോട്, വയനാട്, കണ്ണൂർ, കാസർഗോഡ് ജില്ലകളില് ഇന്ന് ഓറഞ്ച് അലർട്ട് പ്രഖ്യാപിച്ചിട്ടുണ്ട്.നാളെ മലപ്പുറം, കോഴിക്കോട്, വയനാട്, കണ്ണൂർ, കാസർഗോഡ് ജില്ലകളില് റെഡ് അലർട്ട് പ്രഖ്യാപിച്ചു. ഈ സീസണിലെ ആദ്യ റെഡ് അലർട്ടാണിത്. മറ്റന്നാള് മൂന്ന് ജില്ലകളിലും റെഡ് അലർട്ട് നിലനില്ക്കും. രണ്ട് നദികളില് പ്രളയസാധ്യതാ മുന്നറിയിപ്പും പുറപ്പെടുവിച്ചിട്ടുണ്ട്.മഴയ്ക്കൊപ്പം ശക്തമായ കാറ്റും വീശുന്നതിനാല് സംസ്ഥാനത്തിന്റെ വിവിധ ഭാഗങ്ങളില് നാശനഷ്ടങ്ങള് റിപ്പോർട്ട് ചെയ്തിട്ടുണ്ട്. വടക്കൻ ജില്ലകളില് പല പ്രദേശങ്ങളിലും വെള്ളക്കെട്ട് രൂപപ്പെട്ടു. വരും ദിവസങ്ങളിലും ശക്തമായ മഴ തുടരുമെന്നാണ് കാലാവസ്ഥാ വകുപ്പിന്റെ പ്രവചനം. ശക്തമായ കാറ്റിനെ തുടർന്ന് കേരള തീരത്ത് മത്സ്യബന്ധനത്തിന് ഏർപ്പെടുത്തിയ വിലക്കും തുടരും.
സംസ്ഥാനത്ത് ശക്തമായ മഴ തുടരും; രണ്ട് നദികളില് പ്രളയസാധ്യത
