ബെംഗളൂരു : ബാനസവാടി റെയിൽവേ സ്റ്റേഷനിൽ ട്രെയിനിറങ്ങി ഓട്ടോയിൽ പോകുകയായിരുന്ന മലയാളി യാത്രക്കാരനെ അൾസൂരിൽ കൊള്ളയ ടിച്ചു. പാലക്കാട് സ്വദേശിയും കച്ചവടക്കാരനുമായ കബീറിന്റെ 3500 രൂപയാണ് നഷ്ടപ്പെട്ടത്.
പുലർച്ചെ ബാനസവാടിയിൽ ട്രെയിൻ ഇറങ്ങിയശേഷം നീലസന്ദ്രയിലെ താമസസ്ഥലത്തേക്കു വരുന്നതിനിടെ അൾസൂർ ആർ ബിഎൻഎസ് ഗ്രൗണ്ടിനു സമീപ ത്ത് വച്ചാണു സംഭവം.ബൈക്കിലെത്തിയ 2 പേർ ഓട്ടോ തടഞ്ഞുനിർത്തി കബീറിനെയും ഓട്ടോ ഡ്രൈവറെയും കത്തി കാണിച്ച് ഭീഷണിപ്പെടുത്തുകയായിരുന്നു.
ഡ്രൈവർ മാറിയതോടെ കബിറിന്റെ കൈവശമുണ്ടായിരുന്ന പണം തട്ടിയെടുത്ത് സംഘം കടന്നു കളഞ്ഞു മൊബൈൽ ഫോൺ ബാഗിലായിരുന്നതിനാൽ നഷ്ടപ്പെട്ടില്ല.ഓട്ടോ ഡ്രൈവറുടെ ഒത്താശ യോടുകൂടിയാണു കവർച്ച നടന്നതെന്ന് സംശയിക്കുന്നതായി കബീർ പറഞ്ഞു.