ബംഗളുരു മെട്രോയുടെ യെല്ലോ ലൈൻ ഉദ്ഘാടനം നാളെയെന്ന പ്രചാരണം തെറ്റെന്ന് ബിഎംആർസിഎല്. യെല്ലോ ലൈനില് സർവീസ് നടത്തേണ്ട ട്രെയിൻ സെറ്റുകളില് ഒന്ന് നാളെ കൊണ്ടുവരികയേ ഉള്ളൂവെന്ന് ബിഎംആർസിഎല് വ്യക്തമാക്കി.ജനുവരി അവസാനവാരമാണ് രണ്ടാമത്തെ ട്രെയിൻ എത്തിക്കുക . മൂന്നാമത്തെ ട്രെയിൻ ഏപ്രില് ആദ്യവാരം എത്തും.മൂന്ന് ട്രെയിനുകളോടെ ഏപ്രിലിന് ശേഷമേ യെല്ലോ ലൈൻ പ്രവർത്തനം തുടങ്ങൂ എന്നാണ് സൂചന. ട്രെയിനുകള് എത്തിക്കുന്നതില് കരാർ ലഭിച്ച കമ്ബനി നിർമാണം വൈകിപ്പിക്കുകയാണെന്ന് തേജസ്വി സൂര്യ എംപി വിമര്ശിച്ചു. തിതാഗഢ് റെയില് സിസ്റ്റംസ് എന്ന കമ്ബനിക്കാണ് പുതിയ മെട്രോ ട്രെയിനുകളുടെ നിർമാണക്കരാർ നല്കിയിരിക്കുന്നത്.
നിർമാണം പൂർത്തിയാക്കി പരീക്ഷണ ഓട്ടം നടത്തിയെങ്കിലും യെല്ലോ ലൈനില് സർവീസാരംഭിക്കുന്നത് വൈകുകയാണ്. ഡിസംബറില് സർവീസാരംഭിക്കുമെന്നായിരുന്നു നേരത്തെ ബംഗളൂരു മെട്രോ റെയില് കോർപ്പറേഷൻ ലിമിറ്റഡ് (ബിഎംആർസിഎല്) അറിയിച്ചിരുന്നത്. എന്നാല്, മെട്രോ ട്രെയിൻ ലഭ്യമാകാത്തതിനാല് ഈ വാഗ്ദാനം പാലിക്കാനായില്ല. ഈ പാതയില് അത്യാധുനിക ഡ്രൈവർരഹിത മെട്രോയാകും സർവീസ് നടത്തുക. ആർ വി റോഡിനെയും ബൊമ്മസാന്ദ്രയെയും ബന്ധിപ്പിക്കുന്ന 18.82 കിലോമീറ്റർ ദൂരമാണ് യെല്ലോ ലൈനില് ഉള്പ്പെടുന്നത്.
