ബംഗളൂരു: ബംഗളൂരുവിലെ നയന്ദഹള്ളിയില്‍ പാചകവാതക സിലിണ്ടറിലെ ചോർച്ചയെത്തുടർന്ന് നാലു കുട്ടികള്‍ ഉള്‍പ്പടെ ഒരു കുടുംബത്തിലെ ആറുപേർക്കു പരിക്കേറ്റു.പതിനൊന്നുകാരിയായ ചിത്ര, ഒന്പതുവയസുള്ള ബസവ, മൂന്നുവയുള്ള ഇരട്ടകളായ ഗീത, ഗിരിജ എന്നിവർക്കും മാതാപിതാക്കള്‍ക്കുമാണു പൊള്ളലേറ്റത്.റായ്ച്ചൂർ സ്വദേശികളായ കുടുംബം നയന്ദഹള്ളി വിനായക ലേഔട്ടിലെ വാടകവീട്ടിലാണു കഴിഞ്ഞിരുന്നത്.പരിക്കേറ്റവർ ആശുപത്രിയില്‍ ചികിത്സയിലാണ്. ആറു പേരും അപകടനില തരണം ചെയ്തതായി പൊലിസ് പറഞ്ഞു.
എല്‍പിജി ചോര്‍ച്ച: ബംഗളൂരുവില്‍ ആറുപേര്‍ക്കു പരിക്ക്
