മൈക്കല്‍ ജാക്സണിന്റെ പ്രേതത്തെയാണ് താന്‍ വിവാഹം ചെയ്തത്, എന്നും ഒപ്പമുണ്ട്, വിചിത്രവാദവുമായി യുവതി

മൈക്കല്‍ ജാക്സന്റെ പ്രേതത്തെയാണ് താന്‍ വിവാഹം കഴിച്ചതെന്ന് ഒരു സ്ത്രീ ഒരു ലേഖനത്തില്‍ അവകാശപ്പെടുന്നു.കാത്‌ലീന്‍ റോബര്‍ട്ട്സ്, കിംഗ് ഓഫ് പോപ്പിനൊപ്പമുള്ള തന്റെ ‘പ്രണയകഥ’യുടെ വിശദമായ വിവരണം ഒരു വെബ്‌സൈറ്റില്‍ പങ്കുവെച്ചിട്ടുണ്ട്.

അവളുടെ കഥയ്ക്ക് അവള്‍ പേരിട്ടിരിക്കുന്നത്- മൈ സ്റ്റോറി ഓഫ് ബീയിം​ഗ് ദ വൈഫ് ആന്‍ഡ് ഫിസിക്കല്‍ മീഡിയം ഓഫ് ദ ​ഗോസ്റ്റ് ഓഫ് മൈക്കല്‍ ജാക്സണ്‍ (My Story Of Being The Wife And Physical Medium Of The Ghost Of Michael Jackson) എന്നാണ്.

അവളുടെ അനുഭവങ്ങള്‍ കേട്ട ആളുകള്‍ അവള്‍ക്ക് ഭ്രാന്താണെന്ന് പറയുന്നുവെന്ന് അവള്‍ പറഞ്ഞു. കാത്‌ലീനിന് ഒരു ടിക് ടോക്കും ഇന്‍സ്റ്റാഗ്രാം അക്കൗണ്ടും ഉണ്ടായിരുന്നു. അവിടെ മൈക്കിള്‍ ജാക്‌സണുമായി എങ്ങനെ ‘ബന്ധം’ ആരംഭിച്ചു എന്നതിനെക്കുറിച്ചുള്ള വിശദാംശങ്ങള്‍ അവര്‍ പങ്കുവെച്ചു. എന്നാല്‍ ഇപ്പോള്‍, വര്‍ദ്ധിച്ച ട്രോളിംഗിന് ശേഷം ആ അക്കൗണ്ടുകള്‍ അവള്‍ ഇല്ലാതാക്കി.

ബ്ലോഗ് ലേഖനത്തില്‍, മൈക്കിള്‍ എപ്പോഴും അവളോടൊപ്പമുണ്ടെന്നും വിശ്രമമുറിയിലും കുളിമുറിയിലും പോലും അദ്ദേഹത്തെ കാണാമെന്നും പറയുന്നു. പോപ്പ് രാജാവ് കുക്കികള്‍ കഴിക്കാന്‍ ഇഷ്ടപ്പെടുന്നുവെന്നും എന്നാല്‍ തിരികെ തൊടുന്നത് ഇഷ്ടപ്പെടുന്നില്ലെന്നും അവള്‍ പറഞ്ഞു. ജാക്സന്റെ പ്രേതം അവളുമായി ശാരീരിക ബന്ധത്തില്‍ ഏര്‍പ്പെടുന്നില്ലെങ്കിലും, അവളോടൊപ്പം നൃത്തം ചെയ്യാനും പാടാനും ഭക്ഷണം കഴിക്കാനും അദ്ദേഹം ഇഷ്ടപ്പെടുന്നുവെന്ന് അവള്‍ രേഖപ്പെടുത്തി.

തിരികെ സ്പര്‍ശിക്കുന്നത് അദ്ദേഹത്തിന് ഇഷ്ടമല്ല. ഞാന്‍ അദ്ദേഹത്തെ ചുംബിക്കുകയോ പ്രണയിക്കാന്‍ ശ്രമിക്കുകയോ ചെയ്താല്‍ പേടിപ്പിക്കുന്ന ദര്‍ശനങ്ങളാല്‍ അദ്ദേഹം എന്നെ വിരട്ടുന്നു” അവള്‍ എഴുതി. അവളുടെ വ്യക്തിത്വവും ചെറിയ കൈകാലുകളും കണ്ടാണ് അദ്ദേഹത്തിന് അവളോട് ഇഷ്ടം തോന്നിയതെന്ന് അവള്‍ എഴുതുന്നു. അദ്ദേഹവുമായുള്ള ബന്ധം കാരണം ഓണ്‍ലൈനില്‍ അവള്‍ വളരെ പ്രശസ്തയായെന്നും അവള്‍ പറഞ്ഞു. മറ്റ് ദമ്ബതികളെപ്പോലെ അവരുടെ ബന്ധത്തിലും കയറ്റിറക്കങ്ങളുണ്ടെന്നും അവള്‍ കൂട്ടിച്ചേര്‍ത്തു.അവളുടെ കഥയെക്കുറിച്ച്‌ സംസാരിക്കാന്‍ അവള്‍ ഒരു വീഡിയോ അപ്‌ലോഡ് ചെയ്തു.

മൈക്കിള്‍ ജാക്സന്റെ പ്രേതത്തിന് ഒരു കുട്ടിയുടെ സ്വഭാവമാണെന്നും, അവള്‍ക്ക് 3 വയസ്സുള്ളപ്പോള്‍ മുതല്‍ പോപ്പ് രാജാവിന്റെ ഒരു ആരാധികയാണ് താനെന്നും അവള്‍ വീഡിയോയില്‍ പറയുന്നു.

അദ്ദേഹം എന്നെ ഭാര്യയായി തെരഞ്ഞെടുത്തതില്‍ എനിക്ക് അഭിമാനം തോന്നുന്നു. ഞങ്ങള്‍ വിവാഹം കഴിച്ചവരെപ്പോലെയാണ് ജീവിക്കുന്നത്. ഞങ്ങള്‍ക്ക് ഞങ്ങളുടെ ഉയര്‍ച്ച താഴ്ചകളുണ്ട്. പക്ഷേ മൈക്കല്‍, എനിക്ക് നിന്നെ സ്നേഹിക്കുന്നത് നിര്‍ത്താന്‍ കഴിയില്ല” അവള്‍ ബ്ലോഗില്‍ എഴുതി.

മരണത്തിന് ശേഷവും അദ്ദേഹം ആളുകളില്‍ ഉണ്ടാക്കുന്ന സ്വാധീനം തീര്‍ത്തും അത്ഭുതപ്പെടുത്തുന്നതാണ്. കാത്‌ലീനെ പോലെ അദ്ദേഹത്തോടുള്ള തീവ്രമായ സ്നേഹവും ആരാധനയും ഇപ്പോഴും മനസ്സില്‍ സൂക്ഷിക്കുന്നവര്‍ നിരവധിയാണ്.