ബെംഗളൂരു: രാജ്യത്തിന്റെ ഐടി ഹബ്ബായ ബെംഗളൂരുവിലെ നമ്മ മെട്രോ ശൃംഖല യാത്രക്കാരെ സംബന്ധിച്ച് ഏറെ അനുഗ്രഹമാണ്.ഗതാഗതക്കുരുക്കിന് കുപ്രസിദ്ധിയാര്ജിച്ച ബെംഗളൂരുവില് പ്രൊഫഷണലുകള്ക്ക് കൃത്യസമയത്ത് ഓഫീസിലും വിദ്യാര്ത്ഥികള്ക്ക് അവരുടെ പഠന സ്ഥാപനങ്ങളിലുമെത്താന് ഈ അത്യാധുനിക യാത്രാ സംവിധാനം ഏറെ പ്രയോജനകരമാണ് (BMRCL Revenue).ബെംഗളൂരു മെട്രോ റെയില് കോര്പറേഷന് ലിമിറ്റഡാണ് (BMRCL) സര്വീസുകള് യാഥാര്ത്ഥ്യമാക്കുന്നത്. BMRCL ഇപ്പോഴൊരു നിര്ണായക നേട്ടം കൈവരിച്ചിരിക്കുകയാണ്. നമ്മ മെട്രോയുടെ ടിക്കറ്റിതര വരുമാനം 54 കോടിയില് നിന്ന് 145 കോടിയായി ഉയര്ന്നു.2024-25ല് 54 കോടിയായിരുന്നതാണ് 2025-26 സാമ്പത്തിക വര്ഷം 145 കോടിയായി വര്ധിച്ചത്. 168% വളര്ച്ചയാണ് രേഖപ്പെടുത്തിയിരിക്കുന്നത്. നമ്മ മെട്രോയുടെ ആസ്തികള് ഉപയോഗിച്ച് ടിക്കറ്റ് ഇതര വരുമാനം വര്ദ്ധിപ്പിക്കാന് 2012 മുതല് തന്നെ ബെംഗളൂരു മെട്രോ റെയില് കോര്പറേഷന് ലിമിറ്റഡ് (BMRCL) ശ്രമങ്ങള് നടത്തിവരുന്നുണ്ട്.
സ്റ്റേഷന് സ്ഥലങ്ങള്, ട്രെയിനുകള്, അനുബന്ധ അടിസ്ഥാന സൗകര്യങ്ങള് എന്നിവ വാണിജ്യ ആവശ്യങ്ങള്ക്കായി വിട്ടുകൊടുത്താണ് BMRCL വരുമാന വര്ദ്ധനവ് സാക്ഷാത്കരിച്ചിരിക്കുന്നത് (Bengaluru Namma Metro).സ്റ്റേഷന് – ട്രെയിന് ബ്രാന്ഡിങ്ങുകള്, പില്ലറുകളിലെ പരസ്യം, സ്ക്രീനുകളിലെ പരസ്യം, സ്റ്റേഷന് കെട്ടിടങ്ങളിലെ വാണിജ്യ കേന്ദ്രങ്ങളില് നിന്നുള്ള വാടക വരുമാനം, പാര്ക്കിങ്ങ് വരുമാനം, ഇവി ചാര്ജിങ്, ബാറ്ററി സ്വാപ്പിങ് സ്റ്റേഷനുകള് തുടങ്ങിയവയാണ് വരുമാന വര്ധനവിന് ഇടയാക്കിയ ഘടകങ്ങള്.പരസ്യ വരുമാനം ഇങ്ങനെBMRCLന്റെ ടിക്കറ്റിതര വരുമാനത്തിന്റെ പ്രധാന ഘടകമാണ് പരസ്യ വരുമാനം. ഇത് ആകെ ടിക്കറ്റ് ഇതര വരുമാനത്തിന്റെ 14% വരുന്നു. സ്റ്റേഷന് പാനലുകള്, ഡിജിറ്റല് ഡിസ്പ്ലേകള്, ട്രെയിന് റാപ്പിങ്ങുകള് (ട്രെയിനിന്റെ പുറംഭാഗം മുഴുവനായി പരസ്യം പതിപ്പിക്കുന്നത്) തുടങ്ങിയ ഉപാധികള് പരസ്യ വരുമാനത്തിനായി ഉപയോഗിച്ചുവരുന്നു.പര്പ്പിള് ലൈനിലെ 37 സ്റ്റേഷനുകളും 33 ട്രെയിനുകളും പരസ്യത്തിനായി ഉപയോഗിക്കുന്നു. 10 ട്രെയിനുകളില് പുറംഭാഗം മുഴുവനായി പരസ്യം പതിപ്പിച്ചിട്ടുണ്ട്. ഗ്രീന് ലൈനില് 31 സ്റ്റേഷനുകളും 24 ട്രെയിനുകളും പരസ്യത്തിനായി ഉപയോഗിക്കുന്നു. ഇവിടെ 10 ട്രെയിനുകളിലാണ് റാപ്പിങ്ങ് പരസ്യങ്ങളുള്ളത്. ഇത്തരത്തില് ആകെ 68 സ്റ്റേഷനുകളും 57 ട്രെയിനുകളും പരസ്യത്തിനായി ഉപയോഗിക്കുന്നു.63 സ്റ്റേഷനുകളില് ഇന്ഡോര് പരസ്യങ്ങള് ലഭ്യമാണ്.
2025 ജൂണിലാണ് BMRCL ആദ്യമായി ട്രെയിനുകളില് ഫുള്-ബോഡി പരസ്യം അവതരിപ്പിച്ചത്. പര്പ്പിള്, ഗ്രീന് ലൈനുകളില് യഥാക്രമം 1.26 കോടിയുടെയും 81.49 ലക്ഷത്തിന്റെയും രണ്ട് ഏഴ് വര്ഷത്തെ കരാറുകളാണ് സ്വകാര്യ പരസ്യ കമ്പനികളുമായി BMRCL ഇതിനായി ഒപ്പുവച്ചത്.ടിക്കറ്റിതര വരുമാന വര്ധനയ്ക്കുള്ള പദ്ധതികള് എഫ്.എഫ്.സി (Fare Fixation Committee) റിപ്പോര്ട്ടിന് അനുസൃതമാണ്. 2025-ലെ റിപ്പോര്ട്ടില്, സാമ്പത്തിക സ്ഥിരത ഉറപ്പാക്കാന് ടിക്കറ്റിതര വരുമാന മാര്ഗങ്ങള് ശക്തിപ്പെടുത്തേണ്ടതിന്റെ ആവശ്യകത എഫ്.എഫ്.സി എടുത്തുപറഞ്ഞിരുന്നു. 2023-24ല് ബി.എം.ആര്.സി.എല്ലിന്റെ ടിക്കറ്റ് വരുമാനം 573.91 കോടിയായിരുന്നു.ബെംഗളൂരു നമ്മ മെട്രോ (BMRCL)83 സ്റ്റേഷനുകളുള്ള ബെംഗളൂരു നമ്മ മെട്രോയുടെ ഗ്രീന്, പര്പ്പിള്, യെല്ലോ ലൈനുകളിലായി 62 ട്രെയിനുകളാണ് ഓടുന്നത്. പ്രതിദിനം ശരാശരി 10 ലക്ഷം യാത്രക്കാര് നമ്മ മെട്രോയില് സഞ്ചരിക്കുന്നുമുണ്ട്.വിവിധ ലൈനുകളുടെ വികസന പ്രവര്ത്തനങ്ങളും പുതിയ പാതകള്ക്കായുള്ള പ്രവൃത്തികളും ഊര്ജിതമായി നഗരത്തിന്റെ വിവിധയിടങ്ങളില് പുരോഗമിക്കുന്നു. 2011 ലാണ് നമ്മ മെട്രോ പ്രയാണമാരംഭിച്ചത്.ബയപ്പനഹള്ളി, എംജി റോഡ് റെയില്വേ സ്റ്റേഷനുകള്ക്കിടയിലെ 7 കിലോമീറ്റര് പാതയുമായായിരുന്നു തുടക്കം. തുടര്ന്ന് 15 വര്ഷത്തിനിടെ 89 കിലോമീറ്ററായി വര്ദ്ധിപ്പിച്ച് നിലവിലെ 96 കിലോ മീറ്ററില് എത്തുകയും ചെയ്തു.
