ചിന്നസ്വാമി സ്റ്റേഡിയത്തിന് സമീപം ബെംഗളൂരു മെട്രോപൊളിറ്റൻ ട്രാൻസ്പോർട്ട് കോർപ്പറേഷൻ ബസ് നിയന്ത്രണം വിട്ട് ഒമ്പത് വാഹനങ്ങളിൽ ഇടിച്ചു: മൂന്ന് ഓട്ടോറിക്ഷകൾ, മൂന്ന് കാറുകൾ, നിരവധി ബൈക്കുകൾ.ബസ് ഓടിക്കുന്നതിനിടെ പെട്ടെന്ന് അപസ്മാരം അനുഭവപ്പെട്ടതിനെ തുടർന്ന് അബദ്ധത്തിൽ ആക്സിലറേറ്ററിൽ അമർത്തിയതാണ് അപകടത്തിന് കാരണമെന്ന് റിപ്പോർട്ടുണ്ട്.
അതിവേഗതയിൽ വന്ന ബസ് നിരവധി വാഹനങ്ങളെ ഇടിച്ചു തെറിപ്പിച്ച് നിർത്തി.അപകടത്തിന് നിമിഷങ്ങൾക്ക് മുമ്പ് ഡ്രൈവർക്ക് അപസ്മാരം അനുഭവപ്പെടുന്നതും വാഹനത്തിന്റെ നിയന്ത്രണം നഷ്ടപ്പെടുന്നതും സിസിടിവി ദൃശ്യങ്ങളിൽ കാണാം. ബസ് നിയന്ത്രിക്കാൻ കണ്ടക്ടർ തീവ്രമായി ശ്രമിച്ചെങ്കിലും കൃത്യസമയത്ത് നിർത്താൻ കഴിയാതെ വരുന്നത് കാണാം.
പുലര്ച്ചെ മൂന്ന് മണിയൊന്നും പ്രശ്നമല്ല; അഹമ്മദാബാദില് ആരാധകരെ ‘ഉണര്ത്തി’ ഷാറൂഖ് ഖാൻ
ആരാധകരെ നിരാശരാക്കാത്ത താരമാണ് ബോളിവുഡിന്റെ കിങ്ഖാൻ ഷാറൂഖ്. കഴിഞ്ഞ ദിവസം ബോളിവുഡ് അവാർഡ് ഷോയ്ക്കായി ഗുജറാത്തിലെ അഹമ്മദാബാദിലെത്തിയ ഷാറൂഖ്, ആരാധകരുടെ മനം കവർന്നതാണ് ഇപ്പോള് സമൂഹമാധ്യമങ്ങളില് തരംഗമാകുന്നത്.പുലർച്ചെ മൂന്നിനാണ് ആരാധകരെ കയ്യിലെടുത്തുള്ള ഷാറൂഖിന്റെ പ്രകടനം.ഫിലിം ഫെയര് അവാര്ഡ് നിശയ്ക്കായാണ് ശനിയാഴ്ച വൈകീട്ട് ഷാരൂഖ് ഖാന് അഹമ്മദാബാദിലെത്തിയത്.
പരിപാടിയുടെ അവതാരകന് കൂടിയായ താരം, തന്റെ വര്ക്ക് കഴിഞ്ഞ് മൂന്ന് മണിക്കാണ് പുറത്തെത്തിയത്. താരം വരും എന്നറിഞ്ഞ് ആരാധകര് നേരത്തെ തന്നെ സ്ഥലത്ത് തടിച്ചുകൂടിയിരുന്നു. എന്നാല് പുലര്ച്ചെ മൂന്ന് മണിയായതിന്റെയും ജോലി കഴിഞ്ഞതിന്റെ ക്ഷീണമൊന്നും താരം പ്രകടിപ്പിച്ചില്ല. ആരാധകരെ തന്റെ ഐക്കോണിക് പോസിലൂടെ തന്നെ താരം ഉണര്ത്തി.വെള്ളനിറത്തിലുള്ള ഫുള് സ്ലീവ് ടി-ഷര്ട്ടും ഡെനിംസുമായിരുന്നു അദ്ദേഹത്തിന്റെ വേഷം. കാറിന്റെ വക്കില് ചവിട്ടി വാതിലില് പിടിച്ചുകൊണ്ടാണ് അദ്ദേഹം നിന്നത്. ഷാറൂഖിനെ കണ്ടപാടെ ആരാധകര് ആരവം മുഴക്കി. തനിക്കടുത്തുള്ള ചില ആരാധകര്ക്ക് ഷാരൂഖ് കൈകൊടുക്കുകയും ചെയ്തു.
