കോഴിക്കോട് നിന്ന് ബെംഗളൂരുവിലേക്ക് പോയ കര്‍ണാടക ആര്‍ടിസിയുടെ സ്ലീപ്പര്‍ ബസ് അപകടത്തില്‍ പെട്ടു. ബെംഗളൂരു ബിടദിക്ക് സമീപം ഇന്ന് പുലര്‍ച്ചെ 3.45 നാണ് അപകടം ഉണ്ടായത്.യാത്രക്കാരായ നിരവധി പേര്‍ക്ക് പരുക്കേറ്റതായാണ് വിവരം. ആരുടെയും പരിക്ക് ഗുരുതരമല്ല. പരുക്കേറ്റവരെ ആശുപത്രിയില്‍ പ്രവേശിപ്പിച്ചു.
ബെംഗളൂരു- മൈസൂരു ദേശീയപാതയില്‍ നിന്ന് ബസ് ബൈപ്പാസിലേക്ക് തിരിയുന്ന സമയത്ത് റോഡരികിലെ സൈന്‍ ബോര്‍ഡില്‍ ഇടിച്ചാണ് അപകടം ഉണ്ടായത്. ബസിന്റെ മുന്‍വശത്ത് സാരമായ കേടുപാടുണ്ടായി.
