അയോദ്ധ്യയിലെ രാമക്ഷേത്രത്തിന്റെ പ്രതിഷ്ഠാ ദിനമായ ജനുവരി 22ന് എല്ലാവരും രാമമന്ത്രം ജപിക്കണമെന്നും വീടുകളില് വിളക്കുകള് തെളിയിക്കണമെന്നും ഗായിക കെ. എസ് ചിത്ര. സോഷ്യല് മീഡിയയില് പങ്കുവെച്ച വീഡിയോയിലൂടെയാണ് ചിത്ര ഇക്കാര്യം വെളിപ്പെടുത്തിയത്. തുടര്ന്ന് നിരവധി വിമര്ശനങ്ങളാണ് ചിത്രയ്ക്ക് നേരെ ഉയരുന്നത്.
അയോദ്ധ്യ രാമക്ഷേത്രത്തിന്റെ പ്രതിഷ്ഠാദിനമായ ജനുവരി 22ന് എല്ലാവരും ഉച്ചക്ക് 12.20 ന് ‘ശ്രീരാമ ജയരാമ, ജയജയരാമ’ എന്ന രാമമന്ത്രം ജപിച്ചുകൊണ്ടിരിക്കണം, അതുപോലെ വൈകുന്നേരം അഞ്ച് തിരിയുള്ള വിളക്ക് വീടിന്റെ നാനാഭാഗത്തും തെളിയിക്കണം.ഭഗവാന്റെ അനുഗ്രഹം എല്ലാവര്ക്കും ഉണ്ടാവട്ടെ എന്ന് പരിപൂര്ണമായി പ്രാര്ത്ഥിക്കുന്നു. ലോകാ സമസ്താ സുഖിനോ ഭവന്തു.’ എന്നാണ് ചിത്ര വീഡിയോയില് പറയുന്നത്.കഴിഞ്ഞ ദിവസം ആര്. എസ്. എസില് നിന്നും കെ. എസ് ചിത്ര അക്ഷതം സ്വീകരിച്ചിരുന്നു. മലയാള സിനിമ താരങ്ങളായ മോഹന്ലാല്, ശ്രീനിവാസന്, ദിലീപ്, കാവ്യ മാധവന്, തുടങ്ങിയവരും അക്ഷതം സ്വീകരിച്ചിരുന്നു.
വിട്ടുപോകാതെ കൊവിഡ്, എച്ച്1എന്1 കേസുകള് വ്യാപിക്കുന്നു; സ്വയം ചികിത്സ ഒഴിവാക്കണമെന്ന് വിദഗ്ദര്
കോവിഡ് 19 വൈറസിന്റെ ആക്രമണത്തില് വലിയ പ്രത്യാഘാതങ്ങള് നേരിട്ട രാജ്യങ്ങളില് ഒന്നാണ് ഇന്ത്യ. ലോകത്തെമ്ബാടും വലിയ തരംഗം തീര്ത്ത കൊവിഡ് ഇപ്പോള് വലിയ തോതില് പിന്മാറ്റം നടത്തിയെങ്കിലും അതിന്റെ അലയൊലികള് ഇപ്പോഴും നമുക്ക് ചുറ്റും ഉണ്ട്.കഴിഞ്ഞ കുറച്ച് ആഴ്ചകളായി രാജ്യത്തുടനീളം ശ്വാസകോശ അണുബാധയുടെ വര്ധനവ് ഡോക്ടര്മാര് റിപ്പോര്ട്ട് ചെയ്യുന്നുണ്ട്. താപനിലയിലെ പെട്ടെന്നുള്ള മാറ്റങ്ങളും ഉയര്ന്ന തോതിലുള്ള മലിനീകരണവും ആണ് ഇതിന് അടിസ്ഥാന കാരണമായി ചൂണ്ടിക്കാണിക്കപ്പെടുന്നത്.പനി, ചുമ, ജലദോഷം, തൊണ്ടവേദന, നെഞ്ചിലെ അസ്വസ്ഥത എന്നിവയുമായാണ് മിക്ക രോഗികളും ക്ലിനിക്കുകളില് എത്തുന്നത്.
പുതിയ ജെഎന്1 വേരിയന്റ് റിപ്പോര്ട്ട് ചെയ്തതിന് ശേഷം നിരീക്ഷണം വര്ധിച്ചതോടെ കൊവിഡ് 19 ആശങ്കാജനകമായ തുടരുന്ന സാഹചര്യത്തില് തന്നെ ഇന്ഫ്ലുവന്സ, ആര്.എസ്.വി, അഡെനോവൈറസ്, റിനോവൈറസ്, മൈകോപ്ലാസ്മ ന്യുമോണിയ എന്നിവയും പ്രചരിക്കുന്നുണ്ടെന്ന് കണ്ടെത്തിയിട്ടുണ്ട്.മൂക്കൊലിപ്പ്, തൊണ്ടവേദന, പനി, ചുമ തുടങ്ങിയ മുകളിലെ ശ്വാസകോശ സംബന്ധമായ അണുബാധകളുടെ സാധാരണ ലക്ഷണങ്ങള്ക്ക് പുറമേ ഓക്സിജന്റെ അളവ് കുറവും ശ്വാസതടസം, ന്യുമോണിയ എന്നിവയുമായാണ് രോഗികള് ആശുപത്രികളില് എത്തുന്നത്.
ഇതില് മിക്കവര്ക്കും കൊവിഡ് 19, ഇന്ഫ്ലുവന്സ, എച്ച്1എന്1 എന്നിവ റിപ്പോര്ട്ട് ചെയ്യുന്നു.നേരത്തെ കൊവിഡ് അണുബാധ മൂലം ശ്വാസപ്രശ്നങ്ങള് അനുഭവിക്കുന്ന ആളുകളുടെ സ്ഥിതി താഴ്ന്ന താപനിലയും ഉയര്ന്ന മലിനീകരണ തോതും മൂലം കൂടുതല് വഷളാവുകയാണ്. രോഗികള്ക്കിടയില് വില്ലന് ചുമയും ശ്വാസനാളത്തിലെ വീക്കവും കാണപ്പെടുന്നുണ്ട്.
