ബംഗളൂരു: കര്‍വാറില്‍ റോഡരികില്‍ പെണ്‍പുലിയെ ചത്തനിലയില്‍ കണ്ടെത്തി. ബുധനാഴ്ചയാണ് അനഗോഡയില്‍നിന്ന് സാവഗൊഡ്ഡെയിലേക്കുള്ള റോഡരികില്‍ പുലിയുടെ ജഡം കണ്ടത്.വനംവകുപ്പ് അധികൃതര്‍ മേല്‍നടപടികള്‍ സ്വീകരിച്ചു.വെറ്ററിനറി ഓഫിസര്‍ പോസ്റ്റ്മോര്‍ട്ടം നടത്തി. വനംവന്യജീവി സംരക്ഷണനിയമപ്രകാരം കേസെടുത്ത് അന്വേഷണം നടത്തുന്നുണ്ട്. ഈ മേഖലയില്‍ നേരത്തേയും പുലിയെ ചത്തനിലയില്‍ കണ്ടെത്തിയിരുന്നു. ഇക്കാര്യത്തില്‍ സംശയം നിലനില്‍ക്കുകയാണ്.
ഭക്ഷണം മോശമാണെങ്കില്‍ ഉടന്‍ അറിയിക്കാം; വിഡിയോയും ഫോട്ടോയും നല്‍കി പരാതിപ്പെടാം, പോര്‍ട്ടല്‍
തിരുവനന്തപുരം: ഹോട്ടലുകളും റസ്റ്റോറന്റുകളും അടക്കമുള്ള ഭക്ഷണശാലകളില്‍ നിന്ന് ലഭിക്കുന്ന ഭക്ഷണം മോശമാണെങ്കില്‍ ഇനി അപ്പോള്‍ തന്നെ വിവരമറിയിക്കാം.ഭക്ഷണത്തിന്റെ വിഡിയോ അഥവാ ഫോട്ടോ സഹിതം പരാതിപ്പെടാന്‍ പോര്‍ട്ടല്‍ ഉടന്‍ പ്രവര്‍ത്തനക്ഷമമാകുമെന്ന് മന്ത്രി വീണാ ജോര്‍ജ്. ഭക്ഷണത്തിന്റെ നിലവാരം റേറ്റ് ചെയ്തുകൊണ്ടുള്ള ‘ഹൈജീന്‍ റേറ്റിങ്’ മൊബൈല്‍ ആപ്പും താമസിയാതെ നിലവില്‍ വരും.
സംസ്ഥാനത്ത് സുരക്ഷിത ഭക്ഷണ ഇടങ്ങളെക്കുറിച്ചും മോശം ഭക്ഷണം വിളമ്ബുന്ന ഭക്ഷണശാലകളെക്കുറിച്ചുമുള്ള വിവരങ്ങള്‍ ഹൈജീന്‍ റേറ്റിങ് ആപ്പിലുണ്ടാകും. മോശം ഭക്ഷണം വിളമ്ബുന്നവര്‍ക്കെതിരെ ലൈസന്‍സ് റദ്ദാക്കുന്നതടക്കം നടപടി സ്വീകരിക്കാന്‍ ഫുഡ് സേഫ്റ്റി ഓഫിസര്‍മാര്‍ തദ്ദേശ സ്ഥാപനങ്ങള്‍ക്കു വിവരം കൈമാറും. പൂട്ടിയ ഭക്ഷണശാല അതേ പേരില്‍ മറ്റ് സ്ഥലങ്ങളില്‍ പ്രവര്‍ത്തിക്കുന്നതും അവസാനിപ്പിക്കും.
