അങ്കമാലി ഡയറീസ് എന്ന സിനിമയിലൂടെ ശ്രദ്ധ നേടിയ നടന് ശരത് ചന്ദ്രനെ (37) മരിച്ച നിലയില് കണ്ടെത്തി. പിറവം കക്കാട്ട് ഊട്ടോളില് ചന്ദ്രന്റെയും ലീലയുടെയും മകനാണ്. സഹോദരന് ശ്യാം ചന്ദ്രന്.ആന്റണി വര്ഗീസ് ഉള്പ്പെടെ പുതുമുഖങ്ങളുടെ ഒരു നിരയെ ഉള്പ്പെടുത്തി ലിജോ ജോസ് പെല്ലിശ്ശേരി സംവിധാനം ചെയ്ത ചിത്രമായിരുന്നു അങ്കമാലി ഡയറീസ്.
ചിത്രത്തില് ആന്റണി അവതരിപ്പിച്ച നായക കഥാപാത്രവുമായുള്ള ഒരു ശ്രദ്ധേയ സംഘട്ടന രംഗത്തില് ശരത് ചന്ദ്രന് ഉണ്ടായിരുന്നു. ഒരു മെക്സിക്കന് അപാരത, സിഐഎ കൊമ്രേഡ് ഇന് അമേരിക്ക, കൂടെ എന്നിവയാണ് അഭിനയിച്ച മറ്റു ചിത്രങ്ങള്.
യുവനടന്റെ അപ്രതീക്ഷിത വിടവാങ്ങലിന്റെ ഞെട്ടലിലാണ് സഹപ്രവർത്തകരും കുടുംബാംഗങ്ങളും. നടൻ ആന്റണി വർഗീസ് അടക്കമുള്ളവർ സമൂഹമാധ്യമങ്ങളിലൂടെ ശരത്തിന് ആദരാഞ്ജലികൾ നേർന്നു
