ബെംഗളൂരു: പഴയ വൈദ്യുതി മീറ്ററുകൾക്കു പകരം പുതിയ ഡിജിറ്റൽ മീറ്ററുകൾ മാറ്റി സ്ഥാപിക്കാനുള്ള പദ്ധതിക്ക് തുടക്കം കുറിച്ച് ബെസ്കോം, ബിബി എംപി പരിധിയിൽ ഈ മാസം 13,331 ഡിജിറ്റൽ മീറ്ററുകളാണു സൗജന്യമായി സ്ഥാപിക്കുന്നത്.ഡിജിറ്റൽ മീറ്ററിൽ വൈദ്യുതി ഉപയോഗം കൃത്യമായി അറിയുന്നതിന് പുറമേ വോൾട്ടേജ് വ്യതിയാനവും എൽഇഡി ഡിസ്പ്ലേ ബോർഡിൽ അറിയാൻ സാധിക്കും.
2024 ഏപ്രിലിലോടെ വാണിജ്യ, ഗാർഹിക കണക്ഷനുകളിലെ 55 ലക്ഷം മെക്കാനിക്കൽ മീറ്ററുകൾ മാറ്റി ഡിജിറ്റൽ മീറ്റർ മീറ്ററുകൾ സ്ഥാപി ക്കും. 4900 കോടി രൂപയാണു ഇതിനായി ബെസ്കോം ചെലവിടുന്നത്.
മാലിന്യ ട്രക്കുകൾ പേര് ദുരുപയോഗം ചെയ്യുന്നു;വിലക്കുമായി ബിബിഎംപി
ബെംഗളൂരു: മാലിന്യ ശേഖരണത്തിനും ഗതാഗതത്തിനുമായി ഉപയോഗിക്കുന്ന മാലിന്യ ട്രക്കുകൾ, ഓട്ടോ ടിപ്പറുകൾ, കോംപാക്ടറുകൾ എന്നിവയിൽ കരാറുകാർ ബിബിഎംപിയുടെ പേര് ഉപയോഗിക്കുന്നതിൽ നിന്ന് ബ്രഹത് ബെംഗളൂരു മഹാനഗര പാലികെ (ബിബിഎംപി) വിലക്ക് ഏർപ്പെടുത്തി.
മാലിന്യ വാഹനങ്ങൾക്ക് പുറമെ, വിവിധ ബിബിഎംപി പദ്ധതികൾക്കായി ഉപയോഗിക്കുന്ന സാമഗ്രികൾ കൊണ്ടുപോകുന്ന വാഹനങ്ങളോടും അവ ബിബിഎംപിയുടെ സേവനത്തിലാണെന്ന് ചിത്രീകരിക്കുന്ന നെയിംപ്ലേറ്റുകളോ സ്റ്റിക്കറുകളോ നീക്കം ചെയ്യാൻ ആവശ്യപ്പെട്ടിട്ടുണ്ട്.
ബിബിഎംപിയുടെ പേര് ദുരുപയോഗം ചെയ്യുന്ന സംഭവങ്ങളും മാലിന്യ ട്രക്കുകൾ ഉൾപ്പെടുന്ന തുടർച്ചയായ അപകടങ്ങളും തുടർന്നാണ് തീരുമാനമെടുത്തത് എന്ന് മുതിർന്ന ബിബിഎംപി ഉദ്യോഗസ്ഥർ പറഞ്ഞു.
