ബെംഗളൂരു : നന്ദിനി പാലിന്റെ കവറിൽ അന്തരിച്ച കന്നഡ നടൻ പുനീത് രാജ്കുമാറിന്റെ ചിത്രം അച്ചടിച്ചെന്ന പ്രചാരണം നിഷേധിച്ച് കർണാടക മിൽക് ഫെഡറേഷൻ (കെഎംഎഫ്), ഇത്തരത്തിൽ പുനീതിന്റെ ചിത്രമുള്ള ഒരു കവർ കഴിഞ്ഞ ദിവസങ്ങളിലായി സമൂഹ മാധ്യമങ്ങളിൽ പ്രചരിച്ചിരുന്നു. പുനീതിന് ആദരമർപ്പിച്ച് ജനുവരി 1 മുതൽ പുതിയ പാൽകവറെന്ന വ്യാജേനയായിരുന്നു പ്രചാരണം. ഇതു വിശ്വസിച്ച് കെഎംഎഫിനെ പ്രകീർത്തിച്ച് ഒട്ടേറെ സിനിമാ ആരാധകർ രംഗത്തുവന്നു.
