ഇന്ത്യയിലുടനീളമുള്ള ഉപഭോക്താക്കള്‍ക്ക് എളുപ്പമുള്ള വാഹന ധനസഹായ വായ്‍പകള്‍ നല്‍കുന്നതിന് കര്‍ണാടക ബാങ്കുമായി സഹകരിക്കുന്നതായി ടൊയോട്ട കിര്‍ലോസ്‌കര്‍ മോട്ടോര്‍ അറിയിച്ചു.സ്വകാര്യ, വാണിജ്യ ആവശ്യങ്ങള്‍ക്കായി ടൊയോട്ട വാഹനങ്ങള്‍ വാങ്ങുന്നതിന് മുന്‍ഗണനാ മേഖലയിലെ പദ്ധതികളില്‍ ഉള്‍പ്പെടുന്നവ ഉള്‍പ്പെടെയുള്ള ഉപഭോക്താക്കള്‍ക്ക് മത്സര പലിശ നിരക്കിലുള്ള ഫിനാന്‍സ് ഓപ്ഷനുകള്‍ ലഭ്യമാകുമെന്ന് ടികെഎം പ്രസ്‍താവനയില്‍ പറഞ്ഞു.വര്‍ദ്ധിച്ചുവരുന്ന ഡിമാന്‍ഡ് നിറവേറ്റുന്നതിനും മെട്രോകളിലും ചെറുകിട വിപണികളിലും ടൊയോട്ട ഉപഭോക്താക്കളുടെ വില്‍പ്പന അനുഭവം മെച്ചപ്പെടുത്തുന്നതിനും ടൊയോട്ട ഉല്‍പ്പന്നങ്ങളുടെ വ്യാപനം വിപുലീകരിക്കാനുമാണ് കമ്ബനി ശ്രമിക്കുന്നതെന്ന് ടികെഎം സ്ട്രാറ്റജിക് ബിസിനസ് യൂണിറ്റ് വൈസ് പ്രസിഡന്റ് (വിപി) ആര്‍ വെങ്കിടകൃഷ്‍ണന്‍ പറഞ്ഞു.
രാജ്യത്തുടനീളമുള്ള ഗ്രാമീണ വിപണികളില്‍ ശ്രദ്ധ കേന്ദ്രീകരിക്കുകയാണ് കമ്ബനിയുടെ ലക്ഷ്യം.ഉപഭോക്താവിന്റെ ആവശ്യങ്ങള്‍ക്കനുസൃതമായും സാമ്ബത്തിക സൗകര്യങ്ങള്‍ എളുപ്പമാക്കുന്നതിനായും കമ്ബനി നൂതനമായ സ്‍കീമുകള്‍ രൂപകല്‍പ്പന ചെയ്‍തിട്ടുണ്ട്. ഞങ്ങളുടെ പങ്കാളിയായ കര്‍ണാടക ബാങ്കിനൊപ്പം, ടൊയോട്ട ഉപഭോക്താക്കള്‍ക്ക് മികച്ച പരിഹാരങ്ങള്‍ സൃഷ്‍ടിക്കുന്നതിന് ഇത് സഹായിക്കുമെന്ന് പ്രതീക്ഷിക്കുന്നതായും ടൊയോട്ട അധികൃതര്‍ പറഞ്ഞു.
