ബെംഗളുരു; യുവതിയെ ബന്ധുവിന്റെ മുന്നിൽ വച്ച് പീഡിപ്പിക്കുകയും ഭീഷണിപ്പെടുത്തി പണം തട്ടാൻ ശ്രമിക്കുകയും ചെയ്തുന്ന പരാതിയിൽ 5 കാബ് ഡ്രൈവർമാർ അറസ്റ്റിൽ. ഹൊസ്കോട്ടെ ഹന്ദനഹള്ളി നിവാസിക ളായ ആഷിഫ്(29), നവാസ് പാഷ(22), ലിയാഖത് പാഷ(30), സൽമാൻഖാൻ(28), റൂഹിദ്(26) എന്നിവരെയാണ് യുവതിയുടെ പരാതിയിൽ പൊലീസ് അറസ്റ്റ് ചെയ്തത്.
യുവതിയും ബന്ധുവായ യുവാവും കാറിലിരിക്കുമ്പോൾ ബൈക്കിലെത്തിയ സംഘം ഇവരുടെ ദൃശ്യം പകർത്തുകയായിരുന്നു. 5 ലക്ഷം രൂപ നൽകിയില്ലെങ്കിൽ വിഡിയോ സമൂഹമാധ്യമങ്ങളിലൂടെ പ്രചരിപ്പിക്കുമെന്നു ഭീ ഷണിപ്പെടുത്തിയ സംഘം യുവതിയെ കാറിൽ നിന്നു വലിച്ചു പുറത്തിറക്കി. തുടർന്ന് അസഭ്യം പറയുകയും ലൈംഗികമായി ഉപദ്രവിക്കുകയും ചെയ്തു. ബഹളം കേട്ട് പ്രദേശവാസികളിൽ ചിലർ എത്തിയതോടെ ഇവർ കടന്നുകളയുകയായിരുന്നു.
