തിരുവനന്തപുരം: കേരള പട്ടികവർഗ്ഗ വികസന വകുപ്പിൽ അക്രഡിറ്റഡ് എഞ്ചിനീയർ/ഓവർസിയർ (സിവിൽ), കമ്പ്യൂട്ടർ അസിസ്റ്റന്റ് തസ്തികകളിലായി 200 ഒഴിവുകളിലേക്ക് അപേക്ഷ ക്ഷണിച്ചു. കരാറടിസ്ഥാനത്തിൽ ഒരു വർഷത്തേക്കാണ് നിയമനം. പ്രകടനമികവിന്റെയും ആവശ്യകതയുടെയും അടിസ്ഥാനത്തിൽ ഇത് ഒരു വർഷത്തേക്ക് കൂടി നീട്ടിനൽകിയേക്കും.പട്ടികവർഗ്ഗ (ST) വിഭാഗത്തിൽപ്പെട്ട യുവതീ യുവാക്കൾക്ക് മാത്രമാണ് ഈ തസ്തികകളിലേക്ക് അപേക്ഷിക്കാൻ അവസരമുള്ളത്.
തസ്തികകളും ഒഴിവുകളും:• എഞ്ചിനീയർ / ഓവർസിയർ (സിവിൽ): 180 ഒഴിവുകൾ• കമ്പ്യൂട്ടർ അസിസ്റ്റന്റ്: 20 ഒഴിവുകൾ• പ്രതിമാസ വേതനം: 18,000 രൂപയോഗ്യതകൾ:• എഞ്ചിനീയർ / ഓവർസിയർ (സിവിൽ): ബി.ടെക് (സിവിൽ) / ഡിപ്ലോമ (സിവിൽ) / ഐ.ടി.ഐ (സിവിൽ) യോഗ്യതയുള്ളവർക്ക് അപേക്ഷിക്കാം.• കമ്പ്യൂട്ടർ അസിസ്റ്റന്റ്: ബി.ടെക് (കമ്പ്യൂട്ടർ സയൻസ്) / ബി.സി.എ / ഡിപ്ലോമ ഇൻ കമ്പ്യൂട്ടർ സയൻസ് / ബി.എസ്.സി കമ്പ്യൂട്ടർ സയൻസ് പൂർത്തിയാക്കിയവർക്ക് അപേക്ഷിക്കാം (കോഴ്‌സ് വിജയകരമായി പൂർത്തിയാക്കിയ സർട്ടിഫിക്കറ്റ് ഉള്ളവർ മാത്രം അപേക്ഷിക്കുക).പ്രായപരിധി & തിരഞ്ഞെടുപ്പ്:• പ്രായപരിധി: 21 വയസ്സ് മുതൽ 45 വയസ്സ് വരെ (2026 ഒക്ടോബർ മാസത്തോടെ 21 വയസ്സ് പൂർത്തിയായിരിക്കണം).
• തിരഞ്ഞെടുപ്പ് രീതി: ജില്ലാതലത്തിൽ നടക്കുന്ന അഭിമുഖത്തിന്റെ അടിസ്ഥാനത്തിലായിരിക്കും ഉദ്യോഗാർത്ഥികളെ തിരഞ്ഞെടുക്കുക.അപേക്ഷിക്കേണ്ട വിധം:താൽപ്പര്യമുള്ള യോഗ്യരായ ഉദ്യോഗാർത്ഥികൾ നിശ്ചിത മാതൃകയിലുള്ള അപേക്ഷ തയ്യാറാക്കി പ്രായം, വിദ്യാഭ്യാസ യോഗ്യത, ജാതി എന്നിവ തെളിയിക്കുന്ന സർട്ടിഫിക്കറ്റുകളുടെ അസലും സാക്ഷ്യപ്പെടുത്തിയ പകർപ്പുകളും സഹിതം തപാൽ മാർഗ്ഗം അയക്കേണ്ടതാണ്.അപേക്ഷ അയക്കേണ്ട വിലാസം:ഡയറക്ടറേറ്റ് ഓഫ് ഷെഡ്യൂൾഡ് ട്രൈബ്‌സ് ഡെവലപ്മെന്റ്,ഫോർത്ത് ഫ്ലോർ, വികാസ് ഭവൻ,തിരുവനന്തപുരം – 695 033അവസാന തീയതി: 2026 ഒക്ടോബർ 19-നോ അതിനുമുമ്പോ ആയി അപേക്ഷകൾ ഓഫീസിൽ ലഭിച്ചിരിക്കണം.
