മലപ്പുറം: വാല്പ്പാറ അപകടത്തില് പരിക്കേറ്റവർക്ക് ആവശ്യമായ സഹായങ്ങള് നല്കണമെന്ന് പ്രതിപക്ഷ നേതാവ് വി ഡി സതീശൻ.പരിമിതികള്ക്കുള്ളില് നിന്ന് ചെയ്യാൻ പറ്റുന്നത് തങ്ങളും ചെയ്യുമെന്നും വിഡി സതീശൻ മാധ്യമങ്ങളോട് പറഞ്ഞു. വാല്പ്പാറ അപകടത്തില് മരിച്ച അബ്ദുല് മജീദിന്റെ വീട് പ്രതിപക്ഷ നേതാവ് സന്ദർശിക്കുകയും ചെയ്തു.മലപ്പുറം പാങ്ങ് പള്ളിപ്പറമ്പ് ഗവണ്മെന്റ് എല്പി സ്കൂളില് നിന്നുള്ള വിനോദയാത്രാ സംഘം സഞ്ചരിച്ച വാൻ ഇന്നലെ വൈകുന്നേരം 5.20ന് ആണ് വാല്പ്പാറ ചുരം റോഡില് 300 അടി താഴ്ചയിലേക്ക് മറിഞ്ഞത്. കാഴ്ചകള് എല്ലാം കണ്ട് നാട്ടിലേക്ക് മടങ്ങുമ്പോള് ചുരത്തിലെ പതിമൂന്നാം ഹെയർപിൻ വളവില് വാഹനം നിയന്ത്രണം വിട്ട് പലവട്ടം കീഴ്മേല് മറിഞ്ഞ് ഒൻപതാം വളവിലേക്ക് വീഴുകയായിരുന്നു. പൊള്ളാച്ചിയില് നിന്ന് 30 കിലോമീറ്റർ അകലെയാണ് അപകടമുണ്ടായ സ്ഥലം. പെരിന്തല്മണ്ണയില്നിന്ന് വാടകയ്ക്കെടുത്ത ടൂറിസ്റ്റ് വാനിലാണ് ഡ്രൈവർ ഉള്പ്പെടെ 13 പേർ യാത്ര പോയത്. ഏഴു സ്ത്രീകളും ഒരു കുട്ടിയും ഉള്പ്പെടെ ഒൻപത് പേരാണ് അപകടത്തില് മരിച്ചത്.
വാല്പ്പാറ അപകടം: പരിക്കേറ്റവര്ക്ക് ആവശ്യമായ സഹായങ്ങള് നല്കണമെന്ന് പ്രതിപക്ഷ നേതാവ് വി ഡി സതീശൻ
