ഉഡുപ്പിയില്‍ നിന്ന് ഞായറാഴ്ച കാണാതായ എട്ടാം ക്ലാസ് വിദ്യാർഥിയെ (13) തിങ്കളാഴ്ച പാലക്കാട് റെയില്‍വേ സ്റ്റേഷനില്‍ നിന്ന് കണ്ടെത്തി.ഉഡുപ്പി കുഞ്ചിബെട്ടുവിലെ കോച്ചിങ് ഇൻസ്റ്റിറ്റ്യൂട്ടില്‍ പിതാവ് പ്രകാശ് ഷെട്ടി ഞായറാഴ്ച രാവിലെ എത്തിച്ച കുട്ടി കേരളത്തിലേക്ക് ട്രെയിൻ കയറുകയായിരുന്നു.ഉച്ച 2.45ന് തിരിച്ചു വീട്ടിലേക്കു കൊണ്ടുപോവാൻ ഇൻസ്റ്റിറ്റ്യൂട്ടില്‍ ചെന്നപ്പോഴാണ് കുട്ടി ഹാജരായില്ലെന്ന് അറിഞ്ഞത്. തുടർന്ന് ഉഡുപ്പി വനിത പൊലീസില്‍ പരാതി നല്‍കുകയായിരുന്നു.
നിവിൻ പോളി പീഡനക്കേസ്: 12 യൂട്യൂബര്‍മാര്‍ കുടുങ്ങി.., പോലീസ് കേസെടുത്തു..!! പീഡനപരാതി നല്‍കിയ യുവതിയുടെ ചിത്രവും പേരും പുറത്തുവിട്ടതിനാണ് കേസ്
നടൻ നിവിൻ പോളിക്കെതിരെ പരാതി നല്‍കിയ യുവതിയുടെ പേരും ചിത്രവും പ്രസിദ്ധീകരിച്ചതിന് കേസ്. 12 യൂട്യൂബർമാർക്കെതിരെയാണ് എറണാകുളം ഊന്നുകല്‍ പൊലീസ് കേസെടുത്തത്.നിവിൻ പോളിക്കെതിരെയും ഇതേ സ്റ്റേഷനിലാണ് കേസ് രജിസ്റ്റർ ചെയ്തിരിക്കുന്നത്.നേര്യമംഗലം സ്വദേശിയായ യുവതിയാണ് നിവിനെതിരെ പരാതിയുമായി രംഗത്തുവന്നത്. ഇതിലാണ് പൊലീസ് പീഡനക്കേസെടുത്തത്. പീഡനക്കേസിൽ പരാതിക്കാരിയുടെ പേരും ചിത്രവും പ്രസിദ്ധീകരിക്കുന്നതും വെളിപ്പെടുത്തുന്നതും നിയമവിരുദ്ധമാണ് എന്നിരിക്കെയാണ് യൂട്യൂബർമാർ ഇത് ലംഘിച്ചത്.
നിവിൻ പോളിയെ പിന്തുണച്ചും യുവതിയെ എതിർത്തുമുള്ള പോസ്റ്ററുകളും പ്രത്യക്ഷപ്പെട്ടിരുന്നു. നടനെതിരെ യുവതി ഉന്നയിക്കുന്നത് വ്യാജ പരാതിയാണെന്ന് ആരോപിച്ചായിരുന്നു പ്രചാരണം. ഇത് ചൂണ്ടിക്കാട്ടിയാണ് യുവതി പൊലീസിനെ സമീപിച്ചതും കേസെടുത്തതും.സിനിമയിൽ അഭിനയിക്കാമെന്ന് വാഗ്ദാനം ചെയ്ത് നിവിൻപോളിയും സംഘവും പീഡിപ്പിച്ചു എന്നായിരുന്നു യുവതിയുടെ പരാതി. ഇതിൽ നിവിനടക്കം ആറ് പേർക്കെതിരെയാണ് പൊലീസ് കേസെടുത്ത്.
എന്നാൽ ആരോപണം തള്ളി രംഗത്തെത്തിയ നിവിൻ പോളി, യുവതിയുടേത് വ്യാജ ആരോപണമാണെന്നും പീഡനം നടന്നുവെന്ന് പറയുന്ന സമയത്ത് താൻ വിദേശത്തായിരുന്നില്ലെന്നും കേസിൽ നിയമപോരാട്ടവുമായി മുന്നോട്ടുപോവുമെന്നും വാർത്താസമ്മേളനത്തിൽ വ്യക്തമാക്കിയിരുന്നു.
