ജയ്പൂര്‍: രാജസ്ഥാന്‍ കേഡറിലെ ഐ എ എസ് ഉദ്യോഗസ്ഥയാണ് ആര്‍തി ദോഗ്ര. രാജ്യമെമ്ബാടുമുള്ള വനിത ഐ എ എസ് ഉദ്യോഗസ്ഥര്‍ക്ക് ഒരു മാതൃക കൂടിയാണ് ഇവര്‍. ഉത്തരാഖണ്ഡിലെ ഡെറാഡൂണില്‍ ജനിച്ച ആര്‍തിയുടെ പൊക്കം മൂന്നടി ആറിഞ്ച് ആണ്. എന്നാല്‍, ഈ പൊക്കമില്ലായ്മ സ്വപ്നങ്ങള്‍ നേടിയെടുക്കുന്നതിന് അവര്‍ക്ക് ഒരു തടസമായില്ല.
ഇന്ത്യന്‍ ആര്‍മിയിലെ കേണല്‍ ആയിരുന്ന രാജേന്ദ്ര ദോഗ്രയുടെയും സ്കൂള്‍ പ്രിന്‍സിപ്പള്‍ ആയിരുന്ന കുംകുമിന്റെയും മകളായിട്ട് ആയിരുന്നു ആര്‍തിയുടെ ജനനം. ജനിച്ചപ്പോള്‍ തന്നെ സാധാരണ സ്കൂളില്‍ പഠിക്കാന്‍ അവള്‍ക്ക് സാധിക്കില്ലെന്ന് ഡോക്ടര്‍മാര്‍ പറഞ്ഞു. എന്നാല്‍, ഡോക്ടര്‍മാരെയും പരമ്ബരാഗത രീതികളെയും അവഗണിച്ച്‌ ഡെറാഡൂണിലെ പ്രശസ്തമായ വെല്‍ഹാം ഗേള്‍സ് സ്കൂളില്‍ അവള്‍ ചേര്‍ന്നു. ഡല്‍ഹി സര്‍വകലാശാലയിലെ ലേഡി ശ്രീറാം കോളേജില്‍ നിന്ന് ബിരുദവും സ്വന്തമാക്കി.
തന്റെ ഐ എ എസ് ജീവിതത്തിനിടയില്‍ ഇതുവരെ നിരവധി ഉന്നത സ്ഥാനങ്ങളില്‍ ആര്‍തി നിയമിതയായിട്ടുണ്ട്. അജ്മീര്‍ കളക്ടര്‍ ആയി പ്രവര്‍ത്തിച്ചു വരികയായിരുന്നു ഇപ്പോള്‍. നേരത്തെ, ജോധ്പുര്‍ ഡിസ്കോമിന്റെ മാനേജിംഗ് ഡയറക്ടര്‍ സ്ഥാനത്ത് നിയമിതയായിരുന്നു. ഇത്രയും പ്രധാനപ്പെട്ട ഒരു പോസ്റ്റില്‍ നിയമിതയായ ആദ്യത്തെ വനിതയാണ് ആര്‍തി. സംസ്ഥാനതലത്തിലും ദേശീയ തലത്തിലും ആര്‍തി ദോഗ്രയ്ക്ക് നിരവധി പുരസ്കാരങ്ങള്‍ ലഭിച്ചിട്ടുണ്ട്.
രാജസ്ഥാന്‍ നിയമസഭ തെരഞ്ഞെടുപ്പ് സമയത്ത് നടത്തിയ മികച്ച പ്രകടനത്തിന് രാഷ്ട്രപതി രാംനാഥ് കോവിന്ദില്‍ നിന്നും നിയമമന്ത്രി രവിശങ്കര്‍ പ്രസാദില്‍ നിന്നും ആര്‍തിക്ക് 2019ല്‍ ദേശീയ പുരസ്കാരം ലഭിച്ചിരുന്നു. ഭിന്നശേഷിക്കാരായ ആളുകളെ വോട്ട് ചെയ്യാനും അങ്ങനെ ജനാധിപത്യ വ്യവസ്ഥിതിയില്‍ പങ്കാളികളാകാനും അവര്‍ പ്രചോദിപ്പിച്ചതിനായിരുന്നു അത്.
ഭിന്നശേഷിക്കാരായവരെ സഹായിക്കാനും വോട്ട് ചെയ്യാന്‍ അവരെ പ്രചോദിപ്പിക്കാനും ബൂത്ത് ലെവല്‍ ഓഫീസര്‍മാരെ നിയോഗിച്ചു. വികലാംഗര്‍ക്ക് പോളിംഗ് സ്റ്റേഷനുകളില്‍ വന്ന് വോട്ട് രേഖപ്പെടുത്താന്‍ ‘ദിവ്യാംഗ് രഥ്സ്’ എന്ന പേരില്‍ വാഹനങ്ങള്‍ ഏര്‍പ്പെടുത്തി. എല്ലാ ഗ്രാമ പഞ്ചായത്തിലും രണ്ടെണ്ണം എന്ന നിലയിലെങ്കിലും വീല്‍ച്ചെയറുകള്‍ ഉറപ്പു വരുത്തി. ഇതിനെ തുടര്‍ന്ന് തെരഞ്ഞെടുപ്പില്‍ ഭിന്നശേഷിക്കാരായ 17000 പേരാണ് പോളിംഗ് ബൂത്തിലെത്തി വോട്ട് രേഖപ്പെടുത്തിയത്.
- കൊവിഡ് : ഒരു ലക്ഷം കടന്ന് കര്‍ണാടകയും ആന്ധ്രയും
- രാജ്യത്ത് വൈറസ് ബാധിതരുടെ എണ്ണം പതിനാല് ലക്ഷം കടന്നു; കഴിഞ്ഞ 24 മണിക്കൂറിനിടെ പുതുതായി രോഗം സ്ഥിരീകരിച്ചത് 49931 പേര്‍ക്ക്, 24 മണിക്കൂറിനിടെ 708 മരണം
- കോവിഡ് സ്ഥിരീകരിച്ച 3,338 പേരെ കാണാനില്ല;ബംഗളുരുവിൽ നിരീക്ഷണ ശ്രമങ്ങൾ പാളുന്നു
- മുകേഷ് അംബാനി ലോകത്തെ അഞ്ചാമത്തെ വലിയ സമ്പന്നൻ; പിന്തള്ളിയത് വാറൻ ബഫറ്റിനെയും ഇലോൺ മസ്കിനെയും
- കാപ്പാട് മാസപ്പിറവി കണ്ടു: നാളെ ദുല്‍ഹിജ്ജ ഒന്ന്; കേരളത്തില്‍ ജൂലൈ 31ന് ബലിപെരുന്നാള്‍
- ലോകം കാത്തിരുന്ന ശുഭവാര്‍ത്തയെത്തി: കോവിഡ് വാക്‌സിന്‍ സുരക്ഷിതമെന്ന് റിപ്പോര്‍ട്ട്, അഭിനന്ദനപ്രവാഹം
- വന്നവര്‍ക്ക് വീണ്ടും വരുമോ കോവിഡ്?
- 160 കിടക്കകൾ സൗകര്യമുള്ള കോവിഡ് ചികിത്സ സെന്റർ എച്.എ,എൽ. ക്യാമ്പസിൽ തയ്യാറായി
- ഇന്ത്യയുടെ ഡിജിറ്റൽ രംഗത്തിന് ആവേശം: 75,000 കോടി രൂപ നിക്ഷേപിക്കുമെന്ന് ഗൂഗിൾ
- കേരളത്തിലേക്കുള്ള യാത്ര :പാസ് വേണ്ട രെജിസ്ട്രേഷൻ തുടരും
- ബംഗളുരുവിൽ നിന്ന് കേരളത്തിലേക്കോ അല്ലെങ്കിൽ തിരിച്ചോ യാത്ര ചെയ്യാൻ ഉദ്ദേശിക്കുന്നുണ്ടോ ? അപ്ലൈ ചെയ്യേണ്ടുന്ന ലിങ്കുകൾ ഏതൊക്കെ ?മുഴുവൻ സംശയങ്ങൾക്കും ഉള്ള മറുപടി
- 7 ദിവസത്തേക്ക് കേരളത്തിലേക്ക് പോകാം,കോവിഡ് ജാഗ്രത യിൽ അപ്ലൈ
- ബാംഗ്ലൂരിലേക്ക് പോകാൻ സേവാ സിന്ധു പാസ്സിന് പ്രത്യേക ലിങ്ക്
- മദ്യപിച്ചെത്തിയ പിതാവും മകളും തമ്മില്‍ വാക്കേറ്റം, പിടിവലിക്കിടെ കത്രിക കൊണ്ട് കുത്തേറ്റ 46-കാരന്‍ മരിച്ചു; 15-കാരിയായ മകള്‍ അറസ്റ്റില്‍
