ബെംഗളൂരു : കഴിഞ്ഞ അഞ്ചുദിവസങ്ങളായി നടന്നുവന്ന ഏഷ്യയിലെ ഏറ്റവുംവലിയ വ്യോമപ്രദർശനമായ എയ്റോ ഇന്ത്യ വെള്ളിയാഴ്ച സമാപിക്കും. പൊതുജനങ്ങൾക്ക് പ്രവേശനം അനുവദിച്ചതോടെ വ്യാഴാഴ്ച എയ്റോ ഇന്ത്യയിൽ വൻജനത്തിരക്ക് അനുഭവപ്പെട്ടു. രാവിലെ മുതൽ യെലഹങ്ക വ്യോമസേനാ താവളത്തിലേക്ക് ജനപ്രവാഹമായിരുന്നു.വിവിധരാജ്യങ്ങളുടെ യുദ്ധവിമാനങ്ങൾക്കടുത്തുനിന്ന് ചിത്രങ്ങളെടുക്കാൻ ജനങ്ങൾ തിരക്കുകൂട്ടി.
വ്യോമാഭ്യാസ പ്രകടനം കൗതുകത്തോടെ വീക്ഷിച്ചു. വെള്ളിയാഴ്ചയും പൊതുജനങ്ങൾക്ക് പ്രവേശനമുണ്ട്. അതിനിടെ, എയ്റോ ഇന്ത്യ കാണാൻ ആളുകൾ കൂട്ടത്തോടെ എത്തിയതോടെ ബല്ലാരി റോഡിൽ വൻഗതാഗതക്കുരുക്ക് അനുഭവപ്പെട്ടു.വ്യോമസേനാ താവളത്തിന് സമീപത്താണ് റോഡിൽ ഗതാഗതക്കുരുക്ക് അനുഭവപ്പെട്ടത്. എയ്റോ ഇന്ത്യ ആരംഭിച്ച തിങ്കളാഴ്ച മുതൽ ഇവിടെ ഗതാഗതക്കുരുക്ക് പതിവാണ്. വാഹനങ്ങൾ മണിക്കൂറുകൾ നേരമാണ് കുടുങ്ങിക്കിടക്കുന്നത്. വ്യാഴാഴ്ച മുതൽ പൊതുജനങ്ങൾക്ക് പ്രവേശനം അനുവദിച്ചതോടെ ഗതാഗതക്കുരുക്ക് കൂടുതൽ രൂക്ഷമായിരിക്കുകയാണ്.രണ്ടു മണിക്കൂറിലേറെ സമയമാണ് യാത്രക്കാർ വഴിയിൽ കുടുങ്ങിക്കിടന്നത്.
ടൈറ്റാന്‍ മുങ്ങിക്കപ്പല്‍ പൊട്ടിത്തെറിച്ച് 5 പേര്‍ കൊല്ലപ്പെട്ട സംഭവം: ഭയാനകമായ ശബ്ദം പുറത്തുവിട്ടു
ടൈറ്റാന്‍ മുങ്ങി കപ്പലിലെ അഞ്ച് യാത്രക്കാരും തല്‍ക്ഷണം കൊല്ലപ്പെട്ടതിന്റെ ഞെട്ടിക്കുന്ന ഓഡിയോ നാഷണല്‍ ഓഷ്യാനിക് ആന്‍ഡ് അറ്റ്‌മോസ്‌ഫെറിക് അഡ്മിനിസ്‌ട്രേഷന്‍ പുറത്തുവിട്ടു. വെള്ളിയാഴ്ച ഡിഫന്‍സ് വിഷ്വല്‍ ഇന്‍ഫര്‍മേഷന്‍ ഡിസ്ട്രിബ്യൂഷന്‍ സര്‍വീസ് (ഡിവിഐഡിഎസ്) പ്രസിദ്ധീകരിച്ച 20 സെക്കന്‍ഡ് ദൈര്‍ഘ്യമുള്ള ഓഡിയോ ക്ലിപ്പില്‍, സ്റ്റാറ്റിക് സ്‌ഫോടനം, ഇടിമുഴക്കം പോലുള്ള ഒരു കുതിപ്പ്, തുടര്‍ന്ന് ഭയാനകമായ ശബ്ദം എന്നിവ ഉള്‍പ്പെടുന്നു. മുങ്ങിക്കപ്പല്‍ പേടകത്തിന്റെ അവസാന ശബ്ദങ്ങളാണിതെന്ന് വിശ്വസിക്കപ്പെടുന്നു. 2023 ജൂണ്‍ 18 ന് വടക്കന്‍ അറ്റ്‌ലാന്റിക് സമുദ്രത്തിന്റെ അടിത്തട്ടിലുള്ള ടൈറ്റാനിക് അവശിഷ്ടത്തില്‍ എത്തുന്നതിനുമുമ്പ് മുങ്ങിക്കപ്പല്‍ തകര്‍ന്നതിന്റെ ശബ്ദമായിരുന്നു അതെന്ന് ഉദ്യോഗസ്ഥര്‍ പറഞ്ഞു.
ഓഷ്യന്‍ഗേറ്റിന്റെ മുങ്ങിക്കപ്പല്‍ ജലസമ്മര്‍ദ്ദത്തില്‍ കുടുങ്ങി പൊട്ടിത്തെറിച്ച സ്ഥലത്ത് നിന്ന് ഏകദേശം 900 മൈല്‍ അകലെ നിന്നാണ് ഭയാനകമായ ശബ്ദം പിടിച്ചെടുത്തത്. 2023-ല്‍ നടന്ന ടൈറ്റന്‍ മുങ്ങിക്കപ്പല്‍ ദുരന്തത്തില്‍ പ്രശസ്ത ബ്രിട്ടീഷ് സാഹസികനായ ഹാമിഷ് ഹാര്‍ഡിംഗ്, അച്ഛന്‍-മകന്‍ ജോഡികളായ ഷഹ്സാദ, സുലൈമാന്‍ ദാവൂദ്, ഫ്രഞ്ച് പൗരനായ പോള്‍-ഹെന്റി നര്‍ജിയോലെറ്റ്, ഓഷ്യന്‍ഗേറ്റ് എക്‌സ്‌പെഡിഷന്‍സിന്റെ സിഇഒ സ്റ്റോക്ക്ടണ്‍ റഷ് എന്നിവരുള്‍പ്പെടെ അഞ്ച് പേര്‍ കൊല്ലപ്പെട്ടു.
മുങ്ങിക്കപ്പലിന് കാര്യമായ രൂപകല്‍പ്പനാ പിഴവുകളുണ്ടെന്നും ആഴക്കടല്‍ യാത്രയ്ക്ക് സ്വതന്ത്രമായി സര്‍ട്ടിഫിക്കറ്റ് ലഭിച്ചിട്ടില്ലെന്നും റിപ്പോര്‍ട്ടുകള്‍ പുറത്തുവന്നതോടെ ഈ സംഭവം ഓഷ്യന്‍ഗേറ്റ് കമ്പനിയുടെ വിശ്വാസ്തയ ചോദ്യംചെയ്യപ്പെടുന്നതിന് കാരണായി. മുങ്ങി രണ്ട് മണിക്കൂറിനുള്ളില്‍ ടൈറ്റന്റെ മാതൃക്കപ്പലിന് ചെറിയ സബ്മെര്‍സിബിളുമായുള്ള ആശയവിനിമയം നഷ്ടപ്പെട്ടു, ഇത് കാണാതായ കപ്പലിനായുള്ള തീവ്രമായ തിരച്ചിലിന് തുടക്കമിട്ടു. നാല് ദിവസത്തിന് ശേഷം റിമോട്ട് വഴി പ്രവര്‍ത്തിപ്പിക്കാവുന്ന ഒരു അണ്ടര്‍വാട്ടര്‍ വാഹനം അതിന്റെ അവശിഷ്ടങ്ങള്‍ കണ്ടെത്തി. 2023 ഒക്ടോബറില്‍, സബ്മെര്‍സിബിളിന്റെ അവസാന ഭാഗങ്ങള്‍ വീണ്ടെടുത്തതായി അമേരിക്കന്‍ കോസ്റ്റ് ഗാര്‍ഡ് പ്രഖ്യാപിച്ചു. പിന്നീട്, അന്തര്‍വാഹിനിക്ക് നിരവധി ഘടനാപരമായ പിഴവുകളും സുരക്ഷാ അപകടങ്ങളും ഉണ്ടെന്നും സമുദ്രത്തിന്റെ ആഴങ്ങളിലേക്ക് പുറപ്പെടുന്നതിന് മുമ്പ് – സാധാരണ രീതി പോലെ – സ്വതന്ത്രമായി അവലോകനം ചെയ്തിട്ടില്ലെന്നും അന്വേഷകര്‍ നിഗമനത്തിലെത്ത
