ബെംഗളൂരു : സഹപാഠികളുടെ ക്രൂരമായ ആക്രമണത്തില്‍ 13 വയസുകാരന് ഗുരുതര പരിക്ക്. കർണാടകയിലെ മൈസൂരിലാണ് സംഭവം.കുട്ടിയെ ശസ്ത്രക്രിയക്ക് വിധേയനാക്കി.സ്കൂള്‍ പരിസരത്ത് വെച്ചാണ് 8-ാം ക്ലാസുകാരന്റെ സ്വകാര്യ ഭാഗത്ത് ഗുരുതരമായി പരിക്കേറ്റത്. 3 കുട്ടികള്‍ ചേർന്നാണ് വിദ്യാർത്ഥിയെ ആക്രമിച്ചതെന്ന് പൊലീസ് പറയുന്നു. മർദ്ദിച്ച കുട്ടികള്‍, ആക്രമിക്കപ്പെട്ട കുട്ടിയോട് സ്കൂളിലേക്ക് പണവും മൊബൈല്‍ ഫോണുകളും കൊണ്ടു പോകാനായി പറഞ്ഞുവെന്നും ഇത് അനുസരിക്കാത്തതിനാണ് ക്രൂരനമർദ്ദനമെന്നും കുടുംബം പരാതിയില്‍ പറഞ്ഞു.കുട്ടിയെ ഇവർ ശുചിമുറിയിലേക്ക് കൊണ്ടുപോയി ആക്രമിക്കുകയായിരുന്നു. അതേ സമയം, എഫ് ഐ ആർ ഫയല്‍ ചെയ്യാൻ പൊലീസ് ആദ്യം മടി കാണിച്ചുവെന്നും, സമ്മർദ്ദത്തെത്തുടർന്ന് പിന്നീട് കേസ് ഫയല്‍ ചെയ്തതാണെന്നും കുടുംബം ആരോപിക്കുന്നു.ജുവനൈല്‍ ജസ്റ്റിസ് ആക്ടിലെ വിവിധ വകുപ്പുകള്‍ പ്രകാരം ജയലക്ഷ്മിപുരം പൊലീസ് കുട്ടികള്‍ക്കെതിരെ കേസ് എടുത്തിട്ടുണ്ട്. അതേ സമയം, 4 വർഷമായി ഇത്തരത്തില്‍ ബുദ്ധിമുട്ടുകളനുഭവിക്കുന്നുണ്ടെന്ന് ആണ്‍കുട്ടി മാധ്യമങ്ങളോട് പറഞ്ഞു.താൻ 4-ാം ക്ലാസില്‍ പഠിക്കുമ്ബോള്‍ ആരംഭിച്ചതാണിത്. എന്റെ അമ്മ അധ്യാപികയോട് പരാതിപ്പെട്ടിട്ടു പോലും ഇതില്‍ മാറ്റമുണ്ടായിട്ടില്ല. ഈ സംഭവം നടക്കുന്ന സമയത്ത് കൈ പിടിച്ച്‌ സ്വകാര്യഭാഗത്ത് രണ്ടുതവണ ചവിട്ടിയതായും കുട്ടി പറഞ്ഞു.
കൊടും ക്രൂരത …..! സഹപാഠികള്‍ സ്കൂളിലെ ശുചിമുറിയില്‍ കൊണ്ടു പോയി സ്വകാര്യ ഭാഗത്ത് ചവിട്ടി;13 കാരന് ഗുരുതര പരിക്ക്
