ബെംഗളൂരു: യുവതിക്കുനേരെ രാത്രിയില് റോഡില് തുടര്ച്ചയായി രണ്ടുതവണ ലൈംഗികാതിക്രമം നടത്തിയ സ്വകാര്യ കമ്ബനിയിലെ എഞ്ചിനീയര് അറസ്റ്റില്.29കാരിയുടെ പരാതിയില് മഞ്ജുനാഥ് (30) ആണ് പിടിയിലായത്. സെപ്റ്റംബര് 8ന് പുലര്ച്ചെ 12നും 12.30നും ഇടയിലായിരുന്നു സംഭവം.യുവതി സെപ്റ്റംബര് 12ന് പൊലീസിനെ സമീപിച്ചതോടെയാണ് സംഭവം വെളിപ്പെട്ടത്. ബിഎന്എസ് സെക്ഷന് 74 (ഒരു സ്ത്രീയെ ആക്രമിക്കുകയോ ക്രിമിനല് ബലപ്രയോഗം നടത്തുകയോ ചെയ്യുക) പ്രകാരമാണ് മഞ്ജുനാഥിനെതിരായ പൊലീസ് നടപടി.29 കാരിയും വെബ് ഡിസൈനറുമായ യുവതി സുഹൃത്തിനൊപ്പം സെപ്റ്റംബര് 8ന് രാത്രിയില് കാറില് ഭാരതി നഗറിലേക്ക് പോവുകയായിരുന്നു.
എന്നാല് യാത്രാമധ്യേ ജക്കൂര് ഡബിള് റോഡിന് സമീപം റോഡരികില് പരിക്കേറ്റ നിലയില് ഒരു നായയെ കണ്ടു.അതിനെ റോഡില് നിന്ന് മാറ്റാനും പരിചരിക്കാനുമായി റോഡ് മുറിച്ചുകടക്കുന്നതിനിടെ ബൈക്കിലെത്തിയ പ്രതി ഉപദ്രവിക്കുകയായിരുന്നു. യുവതി നിലവിളിച്ചതോടെ പ്രതി രക്ഷപ്പെട്ടു. നായയെ റോഡില് നിന്ന് മാറ്റിയ ശേഷം യുവതി കൈകഴുകാനായി അടുത്തുള്ള പെട്രോള് പമ്ബിലേക്ക് പോയി.തുടര്ന്ന് തിരികെ വരുമ്ബോള് അതേയാള് വീണ്ടും വന്ന് ഉപദ്രവിച്ച് കടന്നുകളഞ്ഞു. ഇതോടെ യുവതിയും സുഹൃത്തും ചേര്ന്ന് ഇയാളെ പിന്തുടര്ന്നു. തിടുക്കത്തില് രക്ഷപ്പെടാന് ശ്രമിക്കുന്നതിനിടെ പ്രതി ബൈക്കില് നിന്ന് വീണു.
ഇയാള്ക്ക് പരിക്കേല്ക്കുകയും ചെയ്തു. തുടര്ന്ന് അതുവഴിയെത്തിയ പട്രോളിങ് സംഘത്തിന് മഞ്ജുനാഥിനെ കൈമാറുകയും ചെയ്തു.പൊലീസ് ഇയാളെ ആശുപത്രിയിലാക്കി ചികിത്സ നല്കി. തുടര്ന്ന് നിയമോപദേശത്തിന് ശേഷം യുവതി പരാതി നല്കുകയായിരുന്നു. സംഭവ സമയത്ത് പ്രതി മദ്യലഹരിയിലായിരുന്നുവെന്ന് അന്വേഷണത്തില് വ്യക്തമായതായി മുതിര്ന്ന പോലീസ് ഉദ്യോഗസ്ഥന് വ്യക്തമാക്കി.
