കുടിലിൽ ഉറങ്ങിക്കിടന്ന കുട്ടിയെ തട്ടിക്കൊണ്ടു പോയി. ഹാസൻ ജില്ലയിലെ സകലേഷ്തൂർ താലൂക്കിലെ മലാലി ഗ്രാമത്തിലാണ് സംഭവം നടന്നത്. 14 മാസം പ്രായമുള്ള പെൺകുഞ്ഞിനെയാണ് അക്രമികൾ തട്ടിക്കൊണ്ടുപോയത്. സഞ്ജു- രോഹിത് ദമ്പതികളുടെ മകളാണ് മോഷണം പോയ കുട്ടി.
മധ്യപ്രദേശിലെ സത്മ ജില്ലയിലെ വീർസിംഗ്‌പൂർ താലൂക്കിൽ നിന്നുള്ള ദമ്പതികളായ സഞ്ജുവും രോഹിതും കഴിഞ്ഞ മൂന്ന് മാസമായി ഇഷ്ടിക പണിക്കായി എത്തിയിരുന്നു. ദമ്പതികൾക്ക് 4 വയസ്സുള്ള ഒരു മകനുമുണ്ട്. വൈകുന്നേരത്തോടെ ജോലികഴിഞ്ഞ് രണ്ട് ചെറിയ സഹോദരന്മാരെയും കിടത്തിയാണ് ദമ്പതികൾ കുളിക്കാനായി പുഴയിലേക്ക് പോയത്.
ഇരുപത് മിനിറ്റിനുശേഷം ദമ്പതികൾ വീട്ടിൽ തിരിച്ചെത്തിയപ്പോൾ പെൺകുട്ടി വീട്ടിൽ ഉണ്ടായിരുന്നില്ല. കുട്ടിയെ തട്ടിക്കൊണ്ടുപോയ പ്രതികൾ മൂത്ത കുഞ്ഞിനെ വെറുതെ വിട്ടു. കുട്ടിയെ കണ്ടെത്താൻ ദമ്പതികൾ പോലീസ് സ്റ്റേഷനിൽ പരാതി നൽകി. ഒരു പെൺകുട്ടിയെ മാത്രം തട്ടിക്കൊണ്ടുപോയതിൻറെ പശ്ചാത്തലത്തിൽ വിവിധ സംശയങ്ങൾ ഉയർന്നിട്ടുണ്ട്. ദമ്പതികളെയും കുട്ടികളെയാം നിരീക്ഷിച്ചുകൊണ്ടിരുന്നവരാകാം ചെയ്തതെന്നാണ് സംശയിക്കുന്നത്.
